News
Լրահոս
News
Չորեքշաբթի
Հունիս 29
USD
408.31
EUR
429.75
RUB
7.83
Տեսնել լրահոսը

Առաջին հանրապետության տարիների քաղաքական գործիչ Արամ Մանուկյանի հայկական դրոշով փաթաթված քանդակի հեղինակ քանդակագործ Դավիթ Մինասյանը մրցույթի առաջին փուլին չի մասնակցել: Այս մասին փետրվարի 7-ին լրագրողների հետ  հանդիպման ժամանակ ասաց Ճարտարապետների թանգարանի տնօրեն, Արամ Մանուկյանի քանդակի ընտրության հանձնաժողովի անդամ Անուշ Տեր-Մանասյանը:

Տեր-Մանասյանի խոսքով՝ եղել է ընդհանուր մրցութային 3 փուլ:

«Պարոն Դավիթ Մինասյանն իր աշխատանքով հայտնվել է մրցույթի միայն երկրորդ փուլում, երբ առաջինն արդեն անցկացվել էր, եւ մի քանի աշխատանքներ էին ընտրվել»,- պարզաբանեց թանգարանի տնօրենը:

Ըստ որում՝ նա նշեց, որ քանդակագործ Մինասյանը միակը չէր, որ մասնակցեց միայն երկրորդ փուլից, ինչը, Անուշ Տեր-Մանասյանի կարծիքով, կանոնների ակնհայտ խախտում էր: Թանգարանի տնօրենը սրա մեջ որոշակի լոբբինգի դրսեւորում է տեսնում այս կան այն քանդակագործի շահերի շրջանակում, որոնք փորձել են ամեն գնով իրենց աշխատանքներն առաջ մղել:

Միեւնույն ժամանակ, ինչպես նշեց Տեր-Մանասյանը, Դավիթ Մինասյանի ներկայացրած նախնական աշխատանքում իր Արամ Մանուկյանի դիմանկարը չկար, այլ կարգի աշխատանք էր: Մինչդեռ մրցույթի պայմանների համաձայն՝  անհրաժեշտ էր ներկայացնել Արամ Մանուկյանի վերաբերյալ հատկապես դիմանկարային աշխատանք, եւ քանդակագործը հետագայում մեկ ուրիշ աշխատանք է ներկայացրել: Այսպես՝ Մինասյանը Արամ Մանուկյանին ներկայացրել էր ուսից բարձրացող հայկական դրոշով: Սակայն այս աշխատանքի վերաբերյալ մեծ թվով քննադատություններ ստացվեցին եւ Արամ Մանուկյանին համեմատեցին պարաշյուտիստի հետ: Այդ ժամանակ քանդակագործը ներկայացրեց վերջնական աշխատանքը՝ Արամ Մանուկյանը հայկական դրոշով փաթաթված:

Թանգարանի տնօրենի կարծիքով՝ քանդակագործն այս աշխատանքը ներկայացրեց ծաղրով՝ ավելի վաղ հանձնաժողովի առաջ քաշած պահանջների եւ քննադատությունների պատճառով:

Ինքը Տեր-Մանասյանը քվեարկել է Սամվել Ղազարյանի աշխատանքի օգտին: Ըստ որում՝ նա նաեւ շատ էր հավանել Կոնստանտին Սեյնալովի աշխատանքը:

!
Այս նյութը հասանելի է նաև   Русский
Տպել
Ֆոտոռեպորտաժներ