News
Լրահոս
News
Ուրբաթ
Փետրվար 15
Տեսնել լրահոսը

«ՏՐԱՍԵԿԱ մուլտիմոդալ փոխադրումների զարգացման մասին համաձայնագրի հիմնական նպատակն է ստեղծել բարենպաստ պայմաններ մուլտիմոդալ փոխադրումների զարգացման համար, միջոցներ ձեռնարկել համաձայնագրի անդամ երկրների միջեւ փոխադրումների իրականացման համար գրավիչ պայմաններ սահմանելու ուղղությամբ: Այս մասին, այսօր՝ փետրվարի 7-ին, ԱԺ-ում հիշյալ համաձայնագրի 2-րդ ընթերցմամբ քննարկման ժամանակ նշեց ՀՀ տրանսպորտի, կապի եւ տեղեկատվական տեխնոլոգիաների նախարարի առաջին տեղակալ Գագիկ Գրիգորյանը:

Նա տեղեկացրեց, որ համաձայնագիրը ստորագրվել է 2009 թվականի հունիսին՝ Հայաստանի (առարկությամբ), Ադրբեջանի, Վրաստանի, Տաջիկստանի եւ Ղրղզստանի միջեւ: Այն 1998-ին Բաքվում ստորագրված Եվրոպա-Կովկաս-Ասիա միջանցքի միջազգային տրանսպորտային զարգացման մասին բազմակողմ համաձայնագրի բաղկացուցիչ մասն է:

«Համաձայնագիրը կարգավորում է տրանսպորտային կազմակերպությունների, մուլտիմոդալ փոխադրումների օպերատորների, բեռներն ուղարկողների, ստացողների այլ անձանց միջեւ հարաբերությունները:

Մուլտիմոդալ փոխադրում  նշանակում է առնվազն երկու տարբեր տրանսպորտային ձեւերի մասնակցությամբ բեռների փոխադրումների իրականացում:

Նման փխադրումներն իրականացվում են մուլտիմոդալ փոխադրումների օպերատորների կողմից»,-ասաց փոխնախարարը:

Համաձայնագրով Հայաստանը պարտավորվում է համաձայնագիրը կիրառել մասնակից երկրների միջեւ եւ այլ երկրների տարածքներով տարանցիկ մուլտիմոդալ փոխադրումների առնչությամբ, որոնք իրականացվում են ՀՀ-ում գրանցված փոխադրողի կողմից՝ տրանսպորտի բոլոր ձեւերի օգտագործմամբ, նաեւ ապահովել, որ մուլտիմոդալ փոխադրումների օպերատորների պատասխանատվությունը տարածվի իրենց կողմից բեռն ստանալու պահից մինչեւ բեռը փոխանցելու պահը: «Կողմերի միջեւ վեճերը պետք է լուծվեն կողմերի միջեւ բանակցությունների միջոցով: Համաձայնագիրը բաց է բոլոր երկրների համար՝ կողմերի համաձայնության դեպքում:

Հայաստանը այս համաձայնագրով ֆինանսական որեւէ պարտավորություն չի ստանձնում»,-ասաց Գագիկ Գրիգորյանը՝ հավելելով, որ համաձայնագրի առնչությամբ վերապահում ունի Ադրբեջանը, իսկ Հայաստանը ստորագրել է առարկությամբ:

Իր հերթին ՀՀԿ խմբակցության պատգամավոր Խոսրով Հարությունյանը նշեց, որ համաձայնագրին միանալով Հայաստանը դառնում է եվրոպական տրանսպորտային միջանցքների տրամաբանական շարունակություն եւ հայտնվում այդ միջանցքներում:

«Եթե հաշվի առնենք, որ այս համաձայնագիրը կարող է ընդլայնվել Իրանի միանալով, դա հավելյալ հնարավորություններ է ստեղծում Հայաստանը դարձնել տարանցիկ երկիր»,-ասաց նա:

Ուղեւորափոխադրողների համար հարկային բեռը թեթեւացնող օրինագիծն ընդունվեց 1-ին ընթերցմամբ

Խաղատներ այցելողների նկատմամբ վերահսկողությունը խստացվեց. ԱԺ-ն միաձայն ընդունեց օրինագծերը

ԱԺ-ն ընդունեց Դատական օրենսգիրքը. «Ելք»-ը դեմ էր, «Ծառուկյան» դաշինքն ազատ քվեարկեց

Խորհրդարանն ընդունեց «Ոստիկանության մասին» մասին օրենքի աղմուկ հանած փոփոխությունները

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Վարչապետը ներկա է գտնվել «Հոլիդեյ Ինն Էքսպրես» հյուրանոցի բացման արարողությանը (ֆոտո)
2018 թվականին Հայաստան ժամանած զբոսաշրջիկների թիվը հասել է 1,6 միլիոնի եւ գործադիրի նպատակն է այդ ոլորտում տարեկան ապահովել 7-10 տոկոս աճ,...
Արժույթի միջազգային հիմնադրամի պատվիրակության հետ քննարկվել է Կառավարության ծրագիրը
ԱՄՀ պատվիրակության անդամները հետաքրքվել են կոռուպցիայի դեմ պայքարի, սոցիալական պաշտպանության եւ գործարար միջավայրի բարելավման մարտահրավերներում...
Կառավարության նոր ծրագրում արտաքին քաղաքականության ոլորտում շատ ուժեղացված է տնտեսական բաղադրիչը. Արսեն Գասպարյան
Հայաստանի արտաքին քաղաքականությունն ունի երկու հիմնասյուն՝ անվտանգություն եւ տնտեսություն…
Դոլարի փոխարժեքի անկումը շարունակվում է. եվրոն կայուն է
Թանկարժեք մետաղների համար բանկի կողմից սահմանվել են հետեւյալ գները...
Հաջորդ տարի 450 միկրոավտոբուս պետք է լքեն Երեւանի տրանսպորտային ցանցը. Հայկ Մարության
Այս պահին ծայրահեղ դժվար վիճակում է հայտնվել Երեւան քաղաքը՝ տրանսպորտային ցանցի մասով...
Կառավարությունն առաջակել է այլ գերատեսչություններին՝ կրճատել ծառայողական մեքենաները
Տրամաբանությունն այն է, որ նախարարից բացի ամեն գերատեսչությունում այլ պաշտոնյա իրեն կցված ավտոմեքենա պետք է չունենա…
Ամենաշատ