News
Լրահոս
News
Կիրակի
Հուլիս 03
USD
407.95
EUR
426.35
RUB
7.46
Տեսնել լրահոսը

Մրցութային հանձնաժողովի կողմից Առաջին հանրապետության շրջանի քաղաքական գործիչ Արամ Մանուկյանի արձանի ընտրության հարցում կոռուպցիոն տարրեր կան: Այսպիսի կարծիք փետրվարի 7-ին՝ լրագրողների հետ հանդիպման ժամանակ հայտնել է Հովհաննես Թումանյանի տուն-թանգարանի տնօրեն Նարինե Թուխիկյանը:

Նրա խոսքով՝ մրցույթի առաջին փուլում ներկայացվել էին միայն աշխատանքները, սակայն  երկրորդ փուլում հայտնվել են այլ դեմքեր իրենց նախագծերով. «Միթե՞ սա կոռուպցիոն գործողությունների վկայություն չէ»,-նշել է Թուխիկյանը:

Միաժամանակ, նրա խոսքով՝ չպետք է զարմանալ հեղինակի կողմից արձանին տրված դրոշի լուծումներով, որով նա ծածկել է Արամ Մանուկյանին: Նրա խոսքով՝ հանրապետությունում չկա հարգանք սեփական խորհրդանիշների նկատմամբ, եւ եթե պետությունը ներկայացնող ոստիկանությունը կարող է ցուցարարի ձեռքից խլել պետական դրշը եւ գետնին նետել, ապա ինչու չի կարող դրոշն նաեւ այս ձեւով օգտագործվել:

Բացի այդ, թանգարանի տնօրենը կարծում է, որ այս ամբողջ պատմությունը ունի «ցուցադրական» բնույթ, քանի որ Արամ Մանուկյանի տունը գտնվում է լքված վիճակում եւ ոչ ոք հոգ չի տանում դրա մասին:

 

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ