News
Լրահոս
News
Երեքշաբթի
Օգոստոս 21
Տեսնել լրահոսը

«Աշտարակ կաթ» ՓԲԸ-ն փորձում է գումար շորթել 240 մանրածախ տնտեսվարողներից։ Այս մասին այսօր՝ փետրվարի 7-ին, լրագրողների հետ հանդիպմանն ասաց «Հայ տնտեսվարողների եւ սպառողների իրավապաշտպան կենտրոն» ՀԿ նախագահ Արթուր Աթոյանը։

Նրա խոսքով, «Աշտարակ կաթ»-ում գործում է հանցավոր խումբ. մանրածախ տնտեսվարողները մինչեւ 2016 թվականը ապրանքներ են ստացել առաքիչներից, վճարել դրա դիմաց։ Առաքիչները հաջորդ այցերին տնտեսվարողներին տվել են գումարների անդորրագրերը, նոր ապրանք տվել, գանձել կանխիկ գումարը։

Նրա խոսքով, մանրածախ առեւտրականները երբեք պարտք չեն ունեցել ընկերությանը, սակայն, նրանց դատի են տվել առանց նախազգուշացման։

«Վճարման անդորրագիրը գիտակցաբար՝ խարդախության նպատակով կամ շորթման նպատակով պահել են եւ գումար են պահանջում տնտեսվարողներից»,- ասաց նա՝ հավելելով, որ իրենք դիմել են իրավապահներին ապօրինությունը բացահայտելու խնդրանքով։

Ասուլիսին ներկա երկու տնտեսվարողներ՝ Էդուարդ Կոշտոյանը եւ Լուսյա Հարությունյանը նշել են, թե խոսքը մեծ գումարների մասին է՝ որոշ դեպքերում մինչեւ 5 մլն դրամի։ Կոշտոյանից, օրինակ, 2 մլն դրամ են պահանջել, իսկ Լուսյա Հարությունյանից՝ 43 հազար դրամ։ Հայցերը ներկայացվել են 240 տնտեսվարողների դեմ։

Լուսյա Հարությունյանը նշել է, թե «Աշտարակ կաթ» ՓԲԸ-ն փորձում է գումար շորթել մանրածախ տնտեսվարողներից՝ իմանալով, որ Հայաստանում փոքր բիզնեսն ամենախոցելին է: «Փոքր բիզնեսն Հայաստանում այսօր ամենախոցելի խավն է, բոլորովին պաշտպանված չէ, եթե բյուջեում ճեղքվածք կա՝ կոտրվում է մեր վզին, օրինակ «Աշտարակ կաթը» «Երեւան Սիթիի» նկատմամբ նման վերաբերմունք երբեք չէր ցուցաբերի, որովհետեւ «Երեւան Սիթին» կուտեր իրան: Միայն մեր նման անպաշտպաններին են նման բան անում, հիմա խմբավորվել ենք, պայքարում ենք, բայց ուժեղի մոտ միշտ էլ թույլն է մեղավոր: Իմ վախը գիտեք որն է։ Ասենք թե դա ջարդեցին մեր վզին, դրանից հետո ճանապարհ է հարթվում մյուս ֆիրմաների համար, որովհետեւ այսօր շատ ֆիրմաներ կան, որ նման ձեւով են աշխատում մեզ հետ եւ վճարման անդորրագիր չեն ներկայացնում, ինչքան էլ պահանջենք»,-ասաց նա:

Տպել
Կարդացեք նաև
Ամբողջը
Հաշվարկվել է 160 մլն դրամի շրջակա միջավայրին հասցված վնաս
ՀՀ բնապահպանության եւ ընդերքի տեսչական մարմնի կողմից 2018 թվականի հուլիս ամսվա ընթացքում իրականացված աշխատանքների վերաբերյալ...
«Կոտայքը» նորովի է ներկայացել Երեւանի գարեջրի հոբելյանական 5-րդ փառատոնին (ֆոտո)
Գարեջրի փառատոնին ամեն տարի մատուցման յուրահատուկ ձեւով եւ նորություններով է ներկայանում արդեն 23 տարի գարեջրի արտադրությամբ զբաղվող…
Դոլարի փոխարժեքը աննշան նվազել է. եվրոն ու ռուբլին թանկացել են
Թանկարժեք մետաղների համար բանկի կողմից սահմանվել են հետեւյալ գները ...
Շուկան եւ պատվիրատուն կարող են ունենալ տարբեր պահանջներ, որոնք երբեմն հակոտնյա են հանրության շահերին. Ավինյան
Մենք պետք է նորովի մտածենք եւ վերագնահատենք, թե հատկապես ինչ է այսօր հարկավոր կառուցել մեր երկրում...
«Լիդիան Արմենիա»-ի կին աշխատակիցները բաց նամակ են հղել ՄԻՊ-ին եւ ոստիկանությանը
Մեզանից շատերը «Լիդիան»-ում աշխատելու ընթացքում ձեռք ենք բերել նոր հմտություններ, շատերը ստացել են նոր մասնագիտություն, վերաորակավորում...
Հուլիսին տնտեսական ակտիվության երկնիշ ցուցանիշ ենք ունեցել՝ 11.1 տոկոս. Փաշինյան
Բայց կարեւոր է, որ կառավարությունը այս առումով վարում է հավասարակշռված եւ շրջահայաց քաղաքականություն՝ տնտեսական ցնցումներից զերծ մնալու համար...
Partner news