ԱՄՆ Այովա նահանգում, որտեղ շաբաթվա սկզբում ձյան առատ տեղումներ էին գրանցվել, զանգվածային ավտովթարի հետեւանքով 1 մարդ է զոհվել, եւս 5-ը լուրջ վնասվածքներ են ստացել, հայտնում է KCCI8-ը: Տրանսպորտի տեղական ստորաբաժանումը հրապարակել է ճանապարհին տեղադրված տեսախցիկների նկարահանած տեսագրությունը, փոխանցում է «Վեստի»-ն:
I-35 մայրուղու՝ Էյմսից քիչ հեռու գտնվող փոքր հատվածի վրա ավելի քան 70 ավտոմեքենա է բախվել, որոնց մեծ մասը բեռնատարներ էին:
Տեսանյութում երեւում է, թե ինչպես է բանուկ մայրուղին հաշված րոպեների ընթացքում վերածվում անանցանելի ճանապարհի. ավտոմեքենաները մեկը նյուսի հետեւեից բախվում են միմյանց եւ դուրս գալիս երթեւեկելի հատվածից: Ավտովթարի հետեւանքով արգելափակման մեջ հայտնված վարորդներն ավտոբուսներով տարհանվել են եւ տեղափոխվել Էյմս քաղաքի քաղաքապետարանի շենք:
