News
Լրահոս
News
Ուրբաթ
Փետրվար 15
Տեսնել լրահոսը

Քրդական Mezopotamyaajansi.com  կայքն  անդրադարձել է Աֆրինում մնացած վերջին հայի` Հարութ Գեւորգի պատմությանը, ով նաեւ Հայոց ցեղասպանությունից մազապուրծ հայերի հետնորդներից է:

Akunq.net–ի փոխանցմամբ՝ Աֆրինում մնացած միակ հայը` Հարութ Գեւորգը, թուրքական  գործողության հետևանքով վերստին հիշել  Մեծ եղեռնը: 61 տարեկան Հարութ Գեւորգի ընտանիքը Ցեղասպանությունից հետո տեղափոխվել է նախ Էզազ, ապա` Հալեպ: 50 տարի առաջ Աֆրին փոխադրված Գևորգը մասնագիտությամբ դարբին է: Նա 4 զավակ ունի:

Հարութ Գեւորգը գործակալության թղթակցի հետ զրույցում մասնավորապես ասել է. «Ես Այնթափի հայերից եմ: 1915 թ.  այնտեղից աքսորվել ենք: Ցեղասպանության ժամանակ եկանք Հալեպ, ավելի ուշ տեղափոխվեցինք Աֆրին: Ինձ հետ բազմաթիվ հայ ընտանիքներ կային: Նրանց մեծ մասը զոհվեց, մի մասն էլ պատերազմի հետևանքով արտագաղթեց: Աֆրինում միայն ես եմ մնացել: Այստեղ բնակվող մյուս բոլոր ժողովուրդների հետ միասին տեր ենք կանգնում մեր քաղաքին: Թուրքիան 100 տարի է, ինչ շարունակում է իր հարձակումները: Ինչպես որ այն ժամանակ է կանանց ու երեխաներին սպանում, հիմա էլ է նույն բանն անում: Ցեղասպանությունը մի դար հետո վերստին գտավ մեզ»:

Գեւորգը Թուրքիայից պահանջելով վերջ տալ այդ հարձակումներին` ընդգծել է, որ Աֆրինը միակ քաղաքն էր, որ պատերազմ չէր տեսել, և հավելել է. «Այլեւս հերի՛ք է: Արյուն մի՛ հեղեք: Մարդկանց վրա մի՛ հարձակվեք: Աֆրինը Սիրիայում պատերազմ չտեսած միակ վայրն էր: Ինչո՞ւ եք ձգտում ավիրել մարդկանց ապաստարանը դարձած այս քաղաքը»:

Հարցազրույցի վերջում Գևորգը նաեւ մի քանի խոսք է ասել իր մայրենիով` հայերենով, ապա նշել. «Մենք մեր հայրենի տնից-տեղից աքսորվեցինք Թուրքիայում: Եկանք այստեղ: Հիմա ջանում են մեզ այստեղից էլ հանել: Մենք պահանջում ենք, որ այս պատերազմն ու հարձակումները դադարեցվեն: Թող բոլորը անսան մեր ձայնը: Մեր կոչն ուղղված է աշխարհի բոլոր ժողովուրդներին»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կարո Փայլանը Դիարբեքիրում իր համերաշխությունն է հայտնել հացադուլ հայտարարած քուրդ կին գործչին
Կալանքի տակ գտնված Լեյլա Գյուվենը Աբդուլլահ Օջալանի դեմ իրականացվող սահմանափակումների...
Ցեղասպանությունը ճանաչող քուրդ գործչին Նոբելյան մրցանակի են ներկայացրել
Շվեդիայի խորհրդարանի պատգամավոր, իրավաբան Թոմաս Համեբերգը...
Թուրքական դատարանը 15–ական տարվա ազատազրկման է դատապարտել քուրդ գործիչներին
Քուրդ կին գործիչները մեղավոր են ճանաչվել ահաբեկչական կառույցի օգտին...
Թուրքական դատարանը վճռել է ազատ արձակել քրդամետ պատգամավորին, որը 11 շաբաթ սոված է մնացել
Գուվենը, որն ըստ փաստաբանների հայտարարության կյանքի համար վտանգավոր հիվանդությամբ է տառապում, ներկա չի եղել նիստին, հայտնում է AFP-ն....
Քրդերը մերժել են Սիրիայի հյուսիսում բուֆերային գոտի ստեղծելու մասին Էրդողանի առաջարկը
Սիրիական քրդերը մերժել են Թուրքիայի նախագահ Թայիփ Էրդողանի կողմից Սիրիայի Արաբական․․․
Անկարան իրեն «քրդերի հովանավոր» է անվանել
Թրամփն ավելի վաղ սպառնացել էր տնտեսական պատժամիջոցներով․․․
Ամենաշատ