Ելք խմբակցության պատգամավոր Արամ Սարգսյանի կանխատեսմամբ՝Սերժ Սարգսյանն է լինելու հաջորդ վարչապետը, իսկ փոխվարչապետը՝ Կարեն Կարապետյանը: «Նախագահի թեկնածու Արմեն Սարգսյանին արված առաջարկից հետո ես համոզված եմ, որ հենց Սերժ Սարգսյանն է լինելու վարչապետ: Արմեն Սարգսյանը կայացած մարդ է, եթե իրեն առաջարկողը չի մնալու, նման հնարավորություններ ունեցող անձը հենց այնպես չէր գա»,- ասել է Արամ Սարգսյանը:
Անդրադառնալով նոր վարչապետի լիազորությունների ընդլայնմանը՝ ասել
է, որ բոլոր նախագահները ունեցել են ուժային լծակներն իրենց ձեռքում պահելու խնդիր:
«Սերժ Սարգսյանը հո ինքն ամեն անգամ չի գնալու այդ կառավարության նիստերին: Կթողնի, որ Կարեն Կարապետյանը վարի, ինքը տարվա մեջ երկու անգամ կգնա այնտեղ: Դրա համար ասաց՝ կառավարության նիստերը մի հեռարձակեք, ինչ պիտի իմանան, ես եմ վարելո՞ւ, թե՞ ոչ»,- նշել է նա: