Միացյալ Նահանգներում ռազմական շքերթի նախապատրաստական աշխատանքները Նախագահ Դոնալդ Թրամփի ցանկությանը համապատասխան սկսվել են: Ինչպես լրագրողներին ասել է շտաբերի պետերի միավորված կոմիտեի ղեկավար, գեներալ Ջո Դանֆորդը, պլանավորման առաջին փուլն սկսվել է:
«Ես տեղյակ եմ նախագահի խնդրանքի մասին, եւ մենք նախնական պլանավորման փուլում ենք` նախագահի հանձնարարականների համաձայն», - ասել է Դանֆորդը: Այնուամենայնիվ, նա չի պատասխանել այն հարցին, թե արդյոք նա շքերթը ռազմական ռեսուրսների արդյունավետ օգտագործում է համարում:
Թրամփը Վաշինգթոնում ռազմական շքերթ անցկացնելու ցանկություն է ունեցել Փարիզ այցելելուց հետո, որտեղ ներկա է գտնվել Բաստիլի գրավման օրվան նվիրված ռազմական շքերթին: