Թուրքիայի խորհրդարանի հայ պատգամավոր Կարո Փայլանն անդրադարձել է Պոլսո հայոց պատրիարքի տեղապահ Գարեգին Բեքչյանին չճանաչելու մասին Ստամբուլի նահանգապետի հայտարարությանը։
Կարո Փայլանը Twitter–ի իր էջում գրել է, որ երկար տարիներ պատրիարք ընտրել չկարողացող հայ համայնքը ընտրել է պատրիարքի տեղապահ եւ ընտրության կազմակերպող նախաձեռնող խումբ։ «Սակայն Ստամբուլի նահանգապետի հայտարարությունը նման է պատրիարքարանում հարկադիր կատարողի նշանակման։ Սա բաց հարված է»,–գրել է Կարո Փայլանը։
Նշենք, որ Ստամբուլի նահանգապետը նամակ էր ուղարկել պատրիարքարան, որում շեշտվել է, թե իրենք որպես փոխպատրիարք են ճանաչում արք. Արամ Աթեշյանին, եւ արք Բեքչյանի ընտրության հետ կապված բոլոր գործընթացներն ու Բեքչյանի բոլոր որոշումներն անօրինական են համարում։