Վենեսուելայի իշխանությունների եւ ընդդիմության միջեւ բանակցությունները երկրում քաղաքական ճգնաժամի կարգավորման հարցով անորոշ ժամանակով դադարեցվել են: Այս մասին չորեքշաբթի ասել է Դոմինիկյան Հանրապետության նախագահ Դանիլո Մեդինան, ով բանակցությունների միջնորդներից մեկն է, հաղորդում է Telesur հեռուստաալիքը:
Նրա խոսքով՝ պատճառը կողմերի անհամաձայնությունն է նախագահական ընտրությունների օրվա կապակցությամբ:
Վենեսուելայի առաջիկա նախագահական ընտրությունները բանակցությունների հիմնական թեմաներից մեկն էին: Իշխանությունները որոշել էին ընտրությունները մինչեւ ապրիլի 30-ը անցկացնել, բայց ընդդիմությունը համաձայն չէ: