Աշխարհում ամենատարածված կրիպտոարժույթը՝ բիթքոինը (bitcoin)  չորեքշաբթի շարունակում է թանկանալ՝ վերականգնելով նախորդ օրը կորցրած երկու հազար դոլարը, կրիպտոարժույթի փոխարժեքը կրկին հասել է 8 հազար դոլար սահմանին, փոխանցում է «ՌԻԱ Նովոստի»-ն։

CoinMarketCap պորտալի տվյալներով՝ բիթքոինի արժեքը բարձրացել է 9 տոկոսով՝ հասնելով մինչեւ 8,055 հազար դոլար: Bitfinex բորսայում բիթքոինի արժեքն ավելացել է 13,8 տոկոսով՝ հասնելով մինչեւ 8,193 հազար դոլար, իսկ Binance-ում աճել է 6,6 տոկոսով` հասնելով մինչեւ 7,784 հազար դոլար: Coindesk պորտալի համաձայն՝ բիթքոինի արժեքը աճել է 7,9 տոկոսով՝ հասնելով մինչեւ 8,181 հազար դոլար: