News
Լրահոս
News
Երկուշաբթի
Հոկտեմբեր 15
Տեսնել լրահոսը


ՀՀ ԿԱ ԱԱԾ կողմից իրականացված լայնածավալ օպերատիվ-հետախուզական միջոցառումներով բացահայտված «Հայանտառ» ՊՈԱԿ-ի տարբեր մասնաճյուղերում տեւական ժամանակ մեծ ծավալների  ծառերի ապօրինի հատումների, ոլորտի պատասխանատու պաշտոնատար անձանց կողմից այդ հանցագործությունների թողտվության, հովանավորչության, սիստեմատիկ  կաշառք ստանալու, կաշառք տալու եւ կաշառք ստանալու օժանդակության դեպքերի կապակցությամբ ՀՀ քրեական օրենսգրքի 296-րդ հոդվածի 3-րդ մասի, 308-րդ հոդվածի 2-րդ մասի, 311-րդ հոդվածի 2-րդ մասի եւ 312-րդ հոդվածի 1-ին մասի հատկանիշներով հարուցվել են թվով 4 քրեական գործեր, որոնք միացվել են մեկ վարույթում:

ՀՀ գլխավոր դատախազության կողմից քրեական գործի նախաքննությունը հանձնարարվել է ՀՀ հատուկ քննչական ծառայությանը:

ՀՀ հատուկ քննչական ծառայության քննիչների կողմից պլանավորված եւ բազմածավալ քննչական գործողությունների, ՀՀ ԿԱ ԱԱԾ  եւ ՀՀ ոստիկանության կողմից իրականացված օպերատիվ հետախուզական միջոցառումների իրականացման, նախաքննության ընթացքում իրականացվող դատախազական համապատասխան ներգործության արդյունքում ձեռք բերված փաստական տվյալների բավարար համակցության հիման վրա որպես մեղադրյալ են ներգրավվել 13 անձինք, որոնց թվում են.

-ՀՀ բնապահպանության նախարարության բնապահպանական պետական տեսչության  պետի տեղակալը՝ ՀՀ քրեական օրենսգրքի 311-րդ հոդվածի 3-րդ մասի 2-րդ եւ 3-րդ կետերով, 324-րդ հոդվածի 2-րդ մասով, 314-րդ հոդվածի 1-ին մասով, որպես խափանման միջոց է ընտրված կալանավորումը,

-ՀՀ բնապահպանության նախարարության բնապահպանական պետական տեսչության բույսերի կենսաբազմազանության բաժնի պետի տեղակալը՝ ՀՀ քրեական օրենսգրքի 38-311-րդ հոդվածի 3-րդ մասի 2-րդ եւ 3-րդ կետերով՝ որպես խափանման միջոց է ընտրված կալանավորումը,

-ՀՀ բնապահպանության նախարարության բնապահպանական պետական տեսչության   ավագ պետական տեսուչը՝ ՀՀ քրեական օրենսգրքի 324-րդ հոդվածի 2-րդ մասով, 314-րդ հոդվածի 1-ին մասով՝ որպես խափանման միջոց է ընտրված կալանավորումը,

-«Սյունիքի անտառտնտեսություն» մասնաճյուղի անտառապետը՝ ՀՀ քրեական օրենսգրքի 312-րդ հոդվածի 2-րդ մասով, որպես խափանման միջոց է ընտրվել կալանավորումը, հետագայում կիրառվել է գրավ,

-ՀՀ բնապահպանության նախարարության բնապահպանական պետական տեսչության նախկին տեսուչը՝ ՀՀ քրեական օրենսգրքի 38-312-րդ հոդվածի 2-րդ մասով, որպես խափանման միջոց է ընտրվել ստորագրություն չհեռանալու մասին,

-ՀՀ բնապահպանության նախարարության բնապահպանական պետական տեսչության բույսերի կենսաբազմազանության բաժնի պետի տեղակալին կաշառք ստանալու հարցում օժանդակած անձը՝ ՀՀ քրեական օրենսգրքի 38-311-րդ հոդվածի 3-րդ մասի 2-րդ եւ 3-րդ կետերով, որպես խափանման միջոց է ընտրվել ստորագրություն չհեռանալու մասին,

-ՀՀ բնապահպանության նախարարության բնապահպանական պետական տեսչության   ավագ պետական տեսուչը՝  ՀՀ քրեական օրենսգրքի 311-րդ հոդվածի 3-րդ մասի 2-րդ եւ 3-րդ կետերով (3 դրվագ),  308-րդ հոդվածի 1-ին մասով եւ 314-րդ հոդվածի 1-ին մասով,  որպես խափանման միջոց է ընտրված կալանավորումը,

-«Արծվաբերդի  անտառտնտեսություն» մասնաճյուղի 3 անտառապետեր ՀՀ քրեական օրենսգրքի 312-րդ հոդվածի 2-րդ մասով, որոնցից 2-ի նկատմամբ որպես խափանման միջոց է ընտրված կալանավորումը, 1-ի նկատմամբ՝  ստորագրություն չհեռանալու մասին.

ՀՀ բնապահպանության նախարարության բնապահպանական պետական տեսչության   ավագ պետական տեսուչը՝ ՀՀ քրեական օրենսգրքի 308-րդ հոդվածի 1-ին մասով եւ 314-րդ հոդվածի 1-ին մասով, որպես խափանման միջոց է ընտրվել կալանավորումը,

ՀՀ քրեական օրենսգրքի 312-րդ հոդվածով /5 դրվագ/ եւ 296-րդ հոդվածի 1-ին մասով մեղադրանք է առաջադրվել նաեւ ապօրինի ծառահատումներ կատարելու համար թույլտվություն ստանալու համար «Արծվաբերդի անտառտնտեսություն» մասնաճյուղի Նորաշենի անտառպետության պաշտոնատար անձանց կաշառք տված անձին, որի նկատմամբ քննիչի միջնորդության հիման վրա դատարանը որպես խափանման միջոց է կիրառել կալանավորումը՝ միաժամանակ թույլատրելի ճանաչելով գրավը, սակայն ՀՀ գլխավոր դատախազության հատկապես կարեւոր գործերով քննության վարչության դատախազի որոշմամբ մեղադրյալի նկատմամբ կիրառված խափանման միջոցը փոփոխվել է եւ որպես խափանման միջոց է ընտրվել ստորագրություն չհեռանալու մասին՝ ազատությունից զրկելու հետ կապված խափանման միջոցի կիրառման հիմքերի բացակայության պատճառաբանությամբ:

«Արծվաբերդի անտառտնտեսություն» մասնաճյուղի Նորաշենի անտառպետության անտառապահը՝ ՀՀ քրեական օրենսգրքի 311-ի 3-րդ մասի 2-րդ կետով /5դրվագ/, որպես խափանման միջոց է ընտրվել կալանավորումը:

Իրականացված ապօրինի ծառահատումների արդյունքում պետությանը պատճառած վնասի չափը պարզելու նպատակով քրեական գործով «Հայանտառ» ՊՈԱԿ-ի մի շարք անտառտնտեսություններում նշանակվել են մասնագիտական ստուգումներ, որոնց արդյունքում պարզվել է.

1.«Սյունիքի անտառտնտեսություն» մասնաճյուղում պատճառված վնասի չափը՝ 9 միլիոն 771.750 ՀՀ դրամ, որից 4 միլիոն 589.000 ՀՀ դրամի վնասը վերականգնվել է.

2.«Նոյեմբերյանի անտառտնտեսություն» մասնաճյուղ՝ պատճառված վնասի չափը՝ 12 միլիոն 490.500 ՀՀ դրամ.

3.«Եղեգնուտի անտառտնտեսություն» մասնաճյուղ՝ պատճառված վնասի չափը՝ 99 միլիոն 845.583 ՀՀ դրամ.

4.«Ստեփանավանի անտառտնտեսություն» մասնաճյուղ պատճառված վնասի չափը՝ 97 միլիոն 174.500 ՀՀ դրամ

5.«Արծվաբերդի անտառտնտեսություն» մասնաճյուղում պատճառված վնասի չափը՝ 428 միլիոն 667.000 ՀՀ դրամ.

6. «Դսեղի անտառտնտեսություն» մասնաճյուղ պատճառված վնասի չափը՝ 637 միլիոն 959.000 ՀՀ դրամ.

7. «Իջեւանի անտառտնտեսություն» մասնաճյուղ՝ պատճառված վնասի չափը՝ 128 միլիոն 238.000 ՀՀ դրամ.

8.«Սեւքարի անտառտնտեսություն» մասնաճյուղ՝ պատճառված վնասի չափը՝ 11 միլիոն 378.250 ՀՀ դրամ:

Քրեական գործով կատարվում են անհրաժեշտ եւ անհետաձգելի բազմաթիվ քննչական գործողություններ եւ օպերատիվ-հետախոզական միջոցառումներ՝ հանցավոր գործողություններին ներգրավված բոլոր անձանց պարզելու, յուրաքանչյուր անձի արարքին համարժեք իրավական գնահատական տալու, պետությանը պատճառված նյութական վնասը վերականգնելու ուղղությամբ:

Նախաքննությունը շարունակվում է:

Տպել
Կարդացեք նաև
Ամբողջը
Նախկին աշակերտի կատակն է. N 155 դպրոցի տնօրենը մանրամասնում է կեղծ ահազանգի դեպքը
Դպրոցի տնօրենը նշեց, որ ահազանգից հետո շատ արագ կազմակերպել են աշակերտների և ծնողների տարհանումը...
Ողբերգական դեպք Արագածոտնում. 25-ամյա երիտասարդը մնացել է ավազաշերտի տակ եւ մահացել
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ...
Մանվել Գրիգորյանի կալանքի ժամկետը եւս երկու ամսով երկարաձգվեց
Բացի այդ դատարանը մերժել է Գրիգորյանի պաշտպանների՝ նրա խափանման միջոց կալանավորումը գրավով փոխարինելու վերաբերյալ միջնորդությունը...
Գեղարքունիքում մեքենան հարվածել է ծառերին. ղեկին անչափահաս է եղել
16-ամյա վարորդը եւ 17-ամյա ուղեւորը մարմնական վնասվածքներով տեղափոխվել են հիվանդանոց…
Ավրաամ Ռուսոյի առեւանգման գործով մեղադրյալին՝ Իսմայիլովի եղբորորդուն գրավի դիմաց ազատ են արձակել
Մեղադրյալները մեղքը չեն ընդունում…
Մեյթիխանյանի ամուսնու սպանության գործով վկաները չէին ներկայացել. նիստը հետաձգվեց
Գործով դատավոր Աննա Դանիբեկյանը որոշեց ծանուցել վկաներ Գեւորգ Գեւորգյանին...
Ամենաշատ
Partner news