News
Լրահոս
News
Ուրբաթ
Փետրվար 22
Տեսնել լրահոսը

Վայոց Ձորում 2015թ.-ի հոկտեմբերին 2 տարեց կնոջ սպանության համար 10 տարվա ազատազրկման դատապարտված Նարեկը դժգոհ է առաջին ատյանի կայացրած դատավճռից:

Անչափահաս դատապարտյալի պաշտպանն օրերս Վերաքննիչ է դիմել՝ պահանջելով բեկանել դատավճիռն ու իր պաշտպանյալին արդարացնել:

Նշենք, որ ի սկզբանե այս գործով կար երկու մեղադրյալ՝ անչափահասներ Նարեկն ու Սմբատը, սակայն ավելի ուշ պարզվել է, որ Նարեկը կատարվածում անհիմն է մեղադրել Սմբատին առանձնապես ծանր հանցագործությունների կատարման մեջ՝ դրանց վերաբերյալ բազմիցս գրավոր հաղորդելով իր կողմից տրված ցուցմունքների արձանագրություններում:

Ըստ մեղադրական եզրակացության՝ Նարեկը 2015թ. հոկտեմբերի 20-ին` ժամը 10:30-ից 13:00-ի սահմաններում, գյուղատնտեսական աշխատանքներ կատարելու պատրվակով, սակայն ուրիշի գույքը հափշտակելու նախնական դիտավորությամբ գնացել է Եղեգնաձորում միայնակ բնակվող, 91-ամյա Վարդուշ Սիմոնյանի տուն եւ նրանից որոշակի վճարի դիմաց խնդրել է կատարել այգեգործական աշխատանք: Վարդուշ Սիմոնյանի առաջարկով մտել է առանձնատան խոհանոց, որտեղ նրա կրած ոսկյա ականջօղերը վերջինիս կյանքի համար վտանգավոր բռնություն գործադրելով` նրան ապօրինաբար կյանքից զրկելու դիտավորությամբ հափշտակելու նպատակով, բռնել է ուսի հատվածից, ուժգնությամբ քաշել, գցել է գետնին, գլուխը հարվածել բետոնյա հատակին, ինչի հետեւանքով ստացած մարմնական վնասվածքներից մահացել է: Այնուհետեւ, Նարեկը Վարդուշ Սիմոնյանի ականջներից հանելով` հափշտակել է ոսկյա ականջօղերը եւ հեռացել` հետագայում դրանք 32 հազար դրամով վաճառել:

Բացի դրանից, Նարեկը մի քանի օր անց դարձյալ այգեգործական աշխատանքներ կատարելու պատրվակով, սակայն իրականում ուրիշի գույքն ավազակային հարձակմամբ հափշտակելու նախնական դիտավորությամբ, գնացել է Վերնաշենում բնակվող, 76-ամյա Գոհար Բարսեղյանին պատկանող հողամաս եւ նրանից որոշակի վճարի դիմաց խնդրել է կատարել այգեգործական աշխատանք, ինչին վերջինս համաձայնել է: Նրա առաջարկով բարձրացել է ծառը` խնձոր քաղելու, եւ վերեւից նկատելով Գոհար Բարսեղյանի ոսկյա ականջօղերը` դրանք վերջինիս կյանքի համար վտանգավոր բռնություն գործադրելով, իջել է ծառից, վերցրել խնձորենուն հենած բահը եւ որպես զենք օգտագործվող այդ առարկայի մետաղյա հատվածով թիկունքից ուժգին հարվածել է Գոհար Բարսեղյանին, ինչի հետեւանքով վերջինս մահացել է: Այնուհետեւ, Նարեկը բերանքսիվայր ընկած Գոհար Բարսեղյանի ականջներից հանելով` հափշտակել է ականջօղերը եւ հեռացել, որոնք հետագայում 28 հազար դրամով վաճառել:

Տպել
Կարդացեք նաև
Ամբողջը
Մասիսի քաղաքապետի գործը դատախազությունը հետ է ուղարկել ՔԿ՝ լրացուցիչ նախաքննության
Հիշեցնենք, որ օրերս Քննչական կոմիտեն հայտարարել էր նախաքննությունն ավարտելու մասին, ինչից հետո գործն ուղարկվել էր դատախազություն` մեղադրական եզրակացությունը հաստատելու համար...
ՍԱՊԾ մի խումբ աշխատակիցների կողմից կաշառք պահանջելու և ստանալու դեպքեր են բացահայտվել. ԱԱԾ
Առերևույթ հանցագործության դեպքի առթիվ ՀՀ ԱԱԾ քննչական դեպարտամենտում հարուցվել է քրեական գործ...
Կոլումբիայի իշխանությունները որոշել են քանդել թմրաբարոն Պաբլո էսկոբարի «ամրոցը»
Սեփականությունը թմրանյութերի վաճառքի զոհերին նվիրված հիշահամալիրի վերածելու ծրագրեր կան...
Մեկնարկեց Երրորդմասցի Լյովիկի եւ նրա երկու ընկերների սպանության գործով վերաքննիչ բողոքի քննությունը
Դատախազությունը պահանջում է ամբաստանյալներին դատապարտել ցմահ ազատազրկման...
Բացահայտվել է ՀՀ ՊՆ պաշտոնատար անձի կողմից կաշառք ստանալու դեպք
2019 թ. փետրվարի 11-ին նույն զինկոմիսարիատի հաշվառման բաժնի տեսուչ Վ.Վ-ի միջոցով պահանջել է խոշոր չափերով...
Գերմանիայում եգիպտացին դատապարտվել է ցմահ ազատազրկման՝ 7-ամյա դստեր սպանության համար
Նման կերպ նա ցանկացել է վրեժ լուծել իր կնոջից․․․