Միկրոբլոգների ծառայություն Twitter-ն իր պատմության մեջ առաջին անգամ եռամսյակային շահույթի մասին հաշվետվություն է ներկայացրել:

2017 թվականի չորրորդ եռամսյակում Twitter-ի մաքուր շահույթը կազմել է 91.1 մլն դոլար: Մեկ տարի առաջ, չորրորդ եռամսյակում, ծառայությունը հաղորդել էր 167.1 մլն դոլար կորուստի մասին, հաղորդում է Bloomberg-ը:

Ընկերության գոյության 12 տարիների ընթացքում առաջին անգամ եռամսյակային շահույթի հայտարարությունից հետո, ընկերության բաժնետոմսերը արտաբորսային գործարքներում աճել են 21.5 տոկոսով: Nasdaq բորսայում առաջին 15 րոպեի ընթացքում Twitter-ի  բաժնետոմսերի գինն աճել է 21,5 տոկոսով:

Վերլուծաբանները չորրորդ եռամսյակում Twitter-ի ավելի համեստ արդյունքներ էին կանխատեսում: Այսպիսով, նրանք ակնկալում էին, որ ընկերության եկամուտը չի գերազանցի 686.4 մլն դոլարը: Twitter-ը 731.6 մլն դոլարի եկամուտ է ունեցել:

Ընդհանուր առմամբ վերջին տարում Twitter-ի բաժնետոմսերը աճել է գրեթե 50 տոկոսով: