News
Լրահոս
News
Չորեքշաբթի
Մայիս 18
USD
454.86
EUR
478.29
RUB
7.18
Տեսնել լրահոսը

ՀՀ ԱԺ նախագահ Արա Բաբլոյանը փետրվարի 8-ին ընդունել է Հայաստանում Մալթայի Հանրապետության նորանշանակ արտակարգ եւ լիազոր դեսպան Նատաշա Մելի Դոդիին (նստավայրը՝ Վարշավա): Այս մասին NEWS.am-ը տեղեկանում է ՀՀ ԱԺ տեղեկատվության եւ հասարակայնության հետ կապերի վարչությունից:

Խորհրդարանի ղեկավարը, շնորհավորելով դեսպանին, հույս է հայտնել, որ նա իր գործունեությամբ կնպաստի երկու երկրների միջեւ բարեկամական հարաբերությունների ամրապնդմանն ու զարգացմանը: Արա Բաբլոյանն ընդգծել է, որ համագործակցության չօգտագործված մեծ ներուժ կա:

ՀՀ ԱԺ նախագահը, կարեւորելով միջխորհրդարանական համագործակցությունը, նշել է, որ Հայաստան-Մալթա բարեկամական խմբի գործունեությունը կնպաստի երկու երկրների խորհրդարանների միջեւ երկխոսությանն ու արդյունավետ փոխգործակցությանը:

Նա նաեւ անհրաժեշտ է համարել փոխշահավետ շփումները խորհրդարանական տարբեր հարթակներում:

ՀՀ ԱԺ նախագահը կարեւորել է ՀՀ-ԵՄ Համապարփակ եւ ընդլայնված գործընկերության համաձայնագրի ստորագրումը՝ համարելով այն եւս մեկ կարեւոր քայլ դեպի Եվրոպա: Այս համատեքստում Արա Բաբլոյանը նշել է. «Մենք ուրախ ենք, որ Մալթան, լինելով փոքր երկիր, իր ուրույն տեղն ունի մեծ Եվրոպայում, եւ դա մեզ քաջալերում է, որովհետեւ Հայաստանը եւս լինելով փոքր երկիր՝ փորձում է Եվրոպայի եւ ԵԱՏՄ-ի միջեւ համագործակցության կամուրջ դառնալ»:

Անդրադառնալով տարածաշրջանային խնդիրներին՝ ԱԺ նախագահն ասել է. «Անկախ բոլոր դժվարություններից ու հարեւան երկրների որդեգրած ամբողջատիրական ձգտումներից՝ Հայաստանի ռազմավարությունը տարբերվում է նրանով, որ իր հիմնական զենքը ժողովրդավարությունն է: Վստահ եմ, որ Հայաստանն իրավունք ունի լինելու ժողովրդավարության եւ խաղաղության օրրան հանդիսացող ընտանիքի անդամ»:

Նատաշա Մելի Դոդին, շնորհակալություն հայտնելով ջերմ ընդունելության համար, պատրաստակամություն է հայտնել աջակցելու Մալթա-Հայաստան միջխորհրդարանական հարաբերությունների աշխուժացմանը: Դեսպանը հույս է հայտնել, որ առաջիկա տարիներին երկու երկրների խորհրդարանների միջեւ կհաստատվեն գործընկերային կապեր, կակտիվանան տարբեր մակարդակների փոխայցելություններն ու շփումները:

Հանդիպման ավարտին Արա Բաբլոյանը, հաջողություն մաղթելով դեսպանին առաքելության իրականացման ընթացքում, նշել է, որ ամենայնս կաջակցի երկկողմ շփումների առավել խորացմանն ու ամրապնդմանը:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ադրբեջանն իրականում չի պատրաստվում դադարեցնել էքսպասիան. ռուս փորձագետ
Ավելին, եթե մենք խոսում ենք Արցախի կարգավիճակի մասին, ապա ինչպե՞ս կարելի է այդ հարցը լուծել հօգուտ հայերի՝ առանց ՌԴ-ի մասնակցության:
Ռուսաստանը կողջուներ Թուրքմենստանի անդամակցությունը ԵԱՏՄ-ին
Ես գիտեմ, որ դուք դիտարկում եք հնարավոր համագործակցությունը Եվրասիական տնտեսական միության հետ․․․
Հայաստանը մշտապես ջանքեր է գործադրում Իրանի համար դեպի ԵԱՏՄ դարպաս դառնալու․ փոխվարչապետ
Նիստի շրջանակներում տեղի է ունենալու հայ և իրանցի գործարարների համաժողով։ Տնտեսական այս կարևոր միջոցառումը հարթակ կդառնա հայ- իրանական գործարար կապերի խթանման համար...
Ղազախստանում հերքել են ԵԱՏՄ-ից երկրի դուրս գալու մասին լուրերը
Ղազախստանում լուրեր են պտտվում, թե երկիրը նախաձեռնում է դուրս գալ ԵԱՏՄ-ից...
ԵԱՏՄ-ի եւ Սինգապուրի միջեւ տնտեսական ոլորտը օրենսդրական մակարդակով կկարգավորվի. Էկոնոմիկայի նախարար
Փաստաթղթի նպատակն է բարենպաստ միջավայր եւ պայմաններ ստեղծել կողմերի միջեւ փոխադարձ հետաքրքրություն ներկայացնող ոլորտներում փոխադարձ առեւտրային հարաբերությունների եւ տնտեսական համագործակցության զարգացման․․․
ԵՏՀ-ն որոշել է զրոյացնել թղթի՝ ՌԴ ներկրման մաքսատուրքերը
Մաքսատուրքերի զրոյացումը կաջակցի տպագրական եւ արդյունաբերական հրատարակչության գործունեությանը, հայրենական շուկայի հարստացմանն ու մանրածախ գների աճի պահպանմանը:
Ամենաշատ