Ռեյտինգային ցուցակների վերանայման անհրաժեշտություն չենք տեսնում: Այս մասին այսօր՝ փետրվարի 8-ին, ՀՀԿ ԳՄ նիստից հետո լրագրողներին ասել է կուսակցության մամուլի քարտուղար, ԱԺ փոխնախագահ Էդուարդ Շարմազանովը՝ անդրադառնալով ՀՅԴ-ի՝ ռեյտինգային ընտրակարգը վերանայելու վերաբերյալ արած հայտարարությանը:
«Զարմանալի է, որ կան քաղաքակական ուժերի ներկայացուցիչներ, որոնք նշում են, որ ռեյտինգային ընտրությունները քաղաքական չէին: Բա որ քաղաքական չէին, ո՞նց հայտնվեցին պառլամենտում: Կոալիցիոն գործընկեր չի նշանակում բոլոր հարցերում նույն կարծիքն ունենալ: Մենք հարգանքով ենք վերաբերում եւ «Ելքի», եւ «Ծառւոկյան» դաշինքի եւ մեր կոալիցիոն գործընկեր ՀՅԴ-ի քաղաքական բոլոր կարծիքներին: Բայց կարող եմ ասել, որ տարածքային, ռեյտինգային ցուցակներն իրենց արդարացրել են եւ մեր նպատակը ժողովրդավարական, համամասնական ընտրության իրականացումն է»,-ասաց նա:
Շարմազանովը նշեց, որ ռեյտինգային ցուցակներն ավելի ժողովրդավարական են, եթե համամասնական ցուցակն ամբողջությամբ որոշում է կուսակցական ղեկավար մարմինը, ապա տարածքային ցուցակների առկայությունը հնարավորություն է տալիս քաղաքացիներին ընտրելու:
