News
Լրահոս
News
Չորեքշաբթի
Ապրիլ 01
USD
504.47
EUR
553.45
RUB
6.46
ME-USD
0.03
Տեսնել լրահոսը

«Ժամանակ» թերթը գրում է. «Ազգային ժողովում դատապարտյալներին ներում շնորհելու՝ «Ներման մասին» նախագծի քննարկումների ժամանակ ԱԺ ընդդիմադիր պատգամավորները մտահոգություն են հայտնում, թե ինչու է ներման իրավունքը նախագահից վերցվում եւ տրվում վարչապետին: Պատգամավոր, իրավաբան Արտակ Զեյնալյանը զարմացած էր, թե ինչու է ներում շնորհելու իրավունքը, որը, ըստ էության, մարդասիրական քայլ է, վերցվում նախագահից։ Նույն խմբակցության պատգամավոր Էդմոն Մարուքյանի խոսքով էլ, եթե ներելու իրավունքից էլ են զրկում նախագահին, գուցե նախագահի ինստիտուտը իսպառ հանեին Սահմանադրությունից, նրա իմաստը ո՞րն է: Ըստ Մարուքյանի՝ նախագահի ինստիտուտը համալիր նսեմացման են տանում: Բացի այդ, Մարուքյանի խոսքով՝ շատ կարեւոր է, որ ներման հրամանագրերը դառնան հրապարակային։

Հայտնի փաստաբան Հայկ Ալումյանը զարմանում է, որ պատգամավորները մի քանի օր է Ազգային ժողովում քննարկում են, թե ում պետք է վերապահվի ներման իրավունք շնորհելը։ «Այդ ներման ինստիտուտը այնքան ստվերային, աղավաղված, անհասկանալի եւ գործողության մեջ այնքան արատավորված ու վարկաբեկված է, որ հիմա մարդկանց գերակշռող մեծամասնության, փաստաբանների ու իրավապաշտպանների համար ոչ մի տարբերություն չկա, թե այդ անվերահսկելի լծակը նախագահի ձեռքում կհայտնվի, վարչապետի ձեռքում, թե մեկ ուրիշի»,-«Ժամանակ»-ի հետ զրույցում ասաց Ալումյանը։

Նրա խոսքով՝ մինչ այս, առանց այդ էլ չգիտեր, չէր հասկանում՝ ինչ չափանիշներով էր ներումները շնորհվում, երբ են շնորհվում, ում է մինչեւ հիմա շնորհվել ներում։ «Ամբողջությամբ ստվերի մեջ է այդ ինստիտուտը, կամայականությունների դաշտում, անվերահսկելի, կոռուպցիոն ռիսկերով հարուստ ոլորտ է։ Իմ կարծիքով՝ հիմա, բացի այս երկու ինստիտուտներից՝ նախագահի եւ վարչապետի, ովքեր հիմա փորձելու են քաշքշել իրարից այդ լծակը, մնացած ոչ մեկին այլեւս չի հետաքրքրում, թե ով է ներում շնորհողը այդ երկուսից»,- ասաց Ալումյանը՝ հավելելով, որ հիմա ում է հետաքրքիր, թե Սուրիկ Խաչատրյանի եղբոր որդուն, ով որ սպանության համար դատապարտվել էր եւ 5 տարի հետո, անհասկանալի պատճառներով ներում ստացավ. նրան ով ներում շնորհեց՝ վարչապե՞տը, թե՞ հանրապետության նախագահը։

«Մարդկանց միայն հետաքրքրում է, թե ինչու ներեցին, ինչու հատկապես նրան ներեցին։ Առավել կարեւոր է ինստիտուտի գործունեությունը, ներման չափանիշները, ներման ենթակա անձանց ցուցակը հրապարակային դարձնելը։ Հակառակ դեպքում, ներկայիս վեճը այդ անհասկանալի, կոռուպցիայով հարուստ ոլորտը իրարից խլելու գործընթաց է գնում, որտեղ ոչ ինձ, ոչ ձեր, ոչ էլ հանրապետության 3 միլիոն բնակչությունից 2 միլիոն 990 հազարին հետաքրքրող ոչ մի բան չկա»,- ընդգծեց Ալումյանը՝ հավելելով. «Ներում ստացած անձանց մասնավոր օրինակներ գիտենք, բայց փորձեք դիմել եւ ստանալ այս տարիներին ներված անձանց ցուցակը. ձեզ ոչինչ չեն տա։ Դրա համար էլ կրկնում եմ՝ ձեզ, հարգելի պատգամավորներին, պետք է հետաքրքրի ներում ստացած անձանց ցուցակը, ներման չափանիշները։

Փոխանակ պատգամավորները դրա շուրջ կռվեն, կռվում են, թե այդ լիազորությունը վարչապետին պետք է վերապահվի, թե նախագահին։ Դա ձեր կռիվը չի, հարգելի պատգամավորներ։ Դա բացառապես այդ երկու սուբյեկտի կռիվն է, թող իրենք էլ կռվեն իրար հետ։ Մեր կռիվը պետք է լինի այն, որ այդ գործընթացը լինի թափանցիկ»։

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Ինչո՞ւ է «Իմ քայլը» ԿԲ-ի նախագահի պաշտոնին առաջադրել Մարտին Գալստյանի թեկնածությունը. պարզաբանում է Մակունցը
Քաղաքական թիմերի հետ աշխատելիս. նման բան չի եղել, քավ լիցի։ Թե Կառավարությունում, թե տարբեր գերատեսչություններում կան անձինք…
Խայտառակ նախագիծը ԲՀԿ-ի եւ ԼՀԿ-ի ջանքերով տապալվեց. Ընդդիմադիրներն այսօր մի կարեւոր բան ապացուցեցին. Ռուբեն Մելիքյան
COVID-19-ի դեմ պայքարի պատրվակով մեր բոլորի իրավունքների նկատմամբ անհամաչափ միջամտություն նախատեսող խայտառակ օրինագիծը...
Համաճարակի դեմ պայքարի անվան տակ իշխանությունը կարող է վերահսկել յուրաքանչյուրի գտնվելու վայրը. «Ազգային օրակարգ»
Օրենքի նախագիծը դեռ պետք է գնա երկրորդ ընթերցման, և հնարավորություն կա փոփոխել այս անհեթեթ նորմերը…
Այս կարգավորումները դառնալու են մարդու իրավունքների նկատմամբ բարձր միջամտության ու սահմանափակումների հիմք. Ա. Թաթոյան
Մեր երկրում նոր կորոնավիրուսի տարածման պաշտոնական տվյալները վկայում են, որ այն դրսևորում է աճի և վիճակի վատթարացման միտումներ…
«Փաստ». Հանձնարարական է իջեցվել՝ «տակից» աջակցել նախագահին . որոնք են պատճառները
Սա կապված չէ առկա վիճակում կորոնավիրուսից զատ այլ թեմաները մի կողմ դնելու ցանկությամբ, որովհետեւ իշխանություններն այս օրերին ցույց տվեցին…
«Հրապարակ». «Իմ քայլում» համակարծիք չեն. ո՞ր պատգամավորների ձեռքը չգնաց կողմ քվեարկել տոտալ վերահսկողությանը
Նախագիծը պարտավորեցնում է հաղորդակցության օպերատորներին...