News
Լրահոս
News
Հինգշաբթի
Հունվար 27
USD
482.47
EUR
544.52
RUB
6.1
Տեսնել լրահոսը

Ադրբեջանցի լրագրող Աֆղան Մուխթարլին համոզված է, որ իր առեւանգումը Թբիլիսիում եւ տեղափոխումը Բաքու տեղի է ունեցել վրացի բարձրաստիճան պաշտոնյաների մասնակցությամբ: Մասնավորապես, ըստ հետաքննող լրագրողի, այս հանցագործության ղեկավարը վարչապետ Գեորգի Կվիրիկաշվիլին է, փոխանցում է Georgia Online- ը:

Նա հայտնել է Թբիլիսիում իր առեւանգման մանրամասները: Վերջինիս խոսքով՝ նրան վրացերեն խոսող 3 տղամարդ է մոտեցել, եւս մեկը նստած էր մեքենայում: Լրագրողին ուժով մեքենայի մեջ նստեցնելուց հետո նրա գլխին պարկ են հագցրել: Ավելի ուշ պարկի փոխարեն կտորով են կապել Մուխթարլիի աչքերը: Լրագրողի խոսքով՝ նրա աչքերը բացել են արդեն Ադրբեջանի տարածքում: Մուխթարլին պնդում է, որ հատել է սահմանը «Լագոդեխի» անցակետի տարածքում գտնվող չեզոք գոտում:

Նրա խոսքով՝ իր եւ իր ընկերների լրտեսումը սկսվել էր առեւանգումից երկու շաբաթ առաջ: Եվ վրացական իրավապահները տեղյակ էին այդ մասին: Աֆղան Մուխթարլին կարծում է, որ վրացական իշխանությունները իր կալանքի համար իրավական հիմքեր չեն գտել, ուստի որոշել են առեւանգել եւ հանձնել ադրբեջանական կողմին: Մուխթարլին նաեւ չի կասկածում, որ իր առեւանգման մասին կարգադրությունը տրվել է վարչապետ Գեորգի Կվիրիկաշվիլիի կողմից:

Հիշեցնենք, որ Աֆղան Մուխթարլին առեւանգվել էր Թբիլիսիի կենտրոնից 2017 թվականի մայիսին: Հետագայում պարզվել էր, որ նա ձերբակալվել է, գտնվում է Բաքվում եւ մեղադրվում է պետական ​​սահմանի անօրինական հատման, մաքսանենգության եւ ոստիկանությանը դիմադրություն ցույց տալու համար: 2018 թվականի հունվարի 12-ին ադրբեջանական Բալաքեն քաղաքի դատարանը իշխանությունների քննադատին դատապարտեց 6 տարվա ազատազրկման: Մուխտարլիի առեւանգումն ու դատավճիռը քննադատության մեծ ալիք բարձրացրեցին միջազգային իրավապաշտպան կազմակերպությունների եւ ժողովրդավարական երկրների կառավարությունների շրջանոմ: Վրաստանին կոչ են արել հետաքննել ադրբեջանցի լրագրողի անհետացման հանգամանքները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Լրագրողական կազմակերպությունները դատապարտում են Ադրբեջանի իշխանությունների գործողությունները Փոլադ Ասլանովի նկատմամբ
«Քննադատող լրագրողին շինծու մեղադրանքներով բանտարկելը միայն վատթարացնում է Ադրբեջանի համբավը՝ որպես Եվրասիայում լրագրողների համար առաջատար բանտ...
Ադրբեջանում ոստիկանները ծանր վիրավորում են հասցրել բողոքի ակցիայի մասնակից լրագրողին
Այս առնչությամբ գրավոր հարցումներ են ուղարկվել ՆԳՆ, գլխավոր դատախազություն եւ օմբուդսմենի գրասենյակ․․․
Ադրբեջանցի ընդդիմադիրը տասը տարվա ազատազրկման է դատապարտվել երկրի ղեկավարությանը քննադատելու համար
Դատապարտյալը, սակայն, հերքել է մեղադրանքը՝ նշելով, որ իր նկատմամբ սադրանք է կազմակերպվել...
Ադրբեջանցի ընդդիմադիրները բողոքի ցույց են անցկացնում իշխող կուսակցության գրասենյակի դիմաց
Ակտիվիստները պահանջում էին ազատ արձակել Ժողովրդական ճակատի կուսակցության անդամներ Նիյամեդդին Ահմեդովին եւ Ֆուադ Ահմեդլիին...
Քաղբանտարկյալների խնդիրը Ադրբեջանում «ոչ ճանաչվել է, ոչ արժանացել է համարժեք արձագանքի»․ ԵԽԽՎ կոմիտե
Առանձին հայտարարությամբ ԵԽԽՎ իրավական հարցերով կոմիտեն «առանձնակի հիասթափություն» է հայտնել Վեհաժողովում Ադրբեջանի պատվիրակության...
Ադրբեջանը քաղաքական բռնաճնշումներով ԵԽ երկրների թվում առաջատարն է
Մինչեւ 2020 թվականի ավարտը նախարարների կոմիտեում դիտարկվում էր նման 12 գործ, այդ թվում՝ 6-ն ընդդեմ Ադրբեջանի, 2-ական՝ ընդդեմ Ռուսաստանի եւ Ուկրաինայի,
Ամենաշատ