Սիրիայի եւ Իսրայելի սահմանին Սիրիայի ՀՕՊ կողմից իսրայելական F-16 կործանիչին ոչնչացնելու հետեւանքով վառ արտահայտված սրացում չի լինի: Այս մասին NEWS.am- ի թղթակցի հետ զրույցում ասել է Ռազմավարությունների եւ տեխնոլոգիաների վերլուծության կենտրոնի տնօրեն, ռազմական փորձագետ Ռուսլան Պուխովը:
Դրա հետ մեկտեղ նա նշել է, որ որոշակի լարվածություն այնուամենայնիվ կա:
«Այտեղ լարվածություն իհարկե կա, բայց բոլորն արդեն մի քանի տարի ապրում են այդ լարվածության մթնոլորտում»,- ասել է Պուխովը:
Ընդ որում, ըստ փորձագետի, սիրիական կողմի հնրավորությունները բավական սահմանափակ են եւ հիմնական հարցերում՝ անվտանգության հետ կապված, նրանք հենվում են կամ ՌԴ-ի կամ Իրանի վրա, իսկ սիրիական բանակն այժմ Իսրայելի դեմ լուրջ գործողություններ կատարելու մասին ինքնուրույն որոշում ընդունել ի վիճակի չէ, քանի որ դրանից առաջ բավական երկար պայքարում էր իսլամիստների դեմ:
«Պարզապես Սիրիայում պատերազմի ընթացքում խաղի որոշակի կանոններ են ստեղծվել, որոնց հակամարտության բոլոր երկրները հետեւում են», - եզրափակել է ռուս ռազմական փորձագետը:
Հիշեցնենք, որ փետրվարի 10-ի գիշերը իսրայելցի զինվորները ոչնչացրեցին իրանական անօդաչու ինքնաթիռը, որը Սիրիայից ներխուժել էր երկրի օդային տարածք եւ հարեւան երկրում «իրանական թիրախների» վրա հարձակվեցին՝ օգտագործելով F-16 կործանիչներ: Արդյունքում, առնվազն մեկ կործանիչ ոչնչացվեց սիրիական հակաօդային պաշտպանության համակարգերի կողմից: