Դելիի ոստիկանությունը Պակիստանի հետախուզությանը գաղտնի տվյալների փոխանցման մեղադրանքով կապիտանի է կալանավորել: 51-ամյա կապիտանը Facebook-ում Պակիստանի հետախուզության «մեղրային թակարդում» է հայտնվել, գրում է The Times of India-ն:

Երկու աղջիկներ ինտիմ նկարների եւ սեքսուալ զրույցների շնորհիվ կապիտանի վստահությանն են արժանացել: Մեկ շաբաթ անց կապիտանը սկսել է կանանց գաղտնի տեղեկություններ հայտնել: Մասնավորապես նա ռազմաօդային զորավարժությունների մասին տեղեկություններ է տվել: Այժմ նրան 14 տարվա ազատազրկում է սպառնում: