Ամերիկյան աերոտիեզերական գործակալություն NASA-ն Կասպից ծովում անոմալ պրոցեսի լուսանկար է հրապարակել, որը կոչվում է «կաթնային փոթորիկ», փոխանցում է «ՌԻԱ Նովոստի»-ն:
Լուսանկարը կատարվել է MODIS սպեկտրառադիոչափիչով տիեզերական «Տերրա» սարքից: Գործակալության հաղորդագրության մեջ նշված է, որ քամին մակերեւույթին ջուրը խառնում է եւ հատակից նստվածքներ բարձրացնում, որը ծովի առափնյա հատվածին կաթնային երանգ է հաղորդում:
Գիտնականները մտադիր են հասկանալ այս երեւույթի բնույթը՝ կապված ձկնորսության վրա հնարավոր բացասական ազդեցության հետ:
NASA-ից նշել են, որ արբանյակային լուսանկարների վերլուծությունը առանցքային մեթոդ է Կասպից ծովի մշտադիտարկման համար: