Իսրայելցի զինվորները կիրակի օրը Հորդանան գետի Արեւմտյան ափին իրականացված օպերացիայի ընթացքում ահաբեկչական գործունեության մեջ ներգրավվածության եւ զանգվածային բռնի բողոքի ակցիաներին մասնակցության կասկածանքով 12 պաղեստինցու են ձերբակալել: Այս մասին հաղորդում է «ՏԱՍՍ»-ը՝ վկայակոչելով The Jerusalem Post թերթը:
Պաղեստինյան WAFA լրատվական գործակալությունը նշում է, որ ձերբակալություններն իրականացվել են Արեւմտյան ափի Ռամալա, Բեթլեհեմ, Նաբլուս եւ Տուլքարմ քաղաքներում: Գործակալության տվյալներով՝ 12 ձերբակալվածներից մեկը կին է:
Հիշեցնենք, որ պաղեստին-իսրայելական դիմակայության գոտում իրավիճակը վատթարացել է 2017 թվականի դեկտեմբերի 6-ին Միացյալ Նահանգների նախագահ Դոնալդ Թրամփի կողմից Երուսաղեմը որպես հրեական պետության մայրաքաղաք ճանաչման մասին որոշումից հետո: