Իրանի միջուկային ծրագրի վերաբերյալ գործողությունների համատեղ համապարփակ ծրագիրը (VCPR) շատ արդյունավետ է, Վաշինգտոնի՝ համաձայնագիրը վերանայելու մասին պահանջները բացարձակապես անիրատեսական են: Այս մասին հայտարարել է Ռուսաստանի արտգործնախարար Սերգեյ Լավրովը, փոխանցում է «ՏԱՍՍ»-ը:
«Նրանք (ԱՄՆ) ոչ այդքան հրաժարվում են փաստաթղթից, որքան պահանջում են փոփոխել այդ համաձայնագիրը, ինչն ինքնին իրատեսական չէ: Սակայն հենց այդպիսի խնդիր է ԱՄՆ-ն դրել համաձայնագրի եվրոպական մասնակիցների՝ Բրիտանիայի, Ֆրանսիայի եւ Գերմանիայի առջև՝ այս հարցում սկսել համագործակցել Վաշինգտոնի հետ»,- ասել է Լավրովը:
«Համաձայնագրի մաս կազմող երեք եվրոպական երկրները համաձայնել են աշխատանքային խումբ ստեղծել ԱՄՆ-ի հետ՝ իհարկե նշելով, որ նրանք սխալ են համարում համաձայնագրի տեքստի հանրայնացումը, սակայն պատրաստ են քննարկել այլ մտահոգություններն Իրանի վերաբերյալ: Նախեւառաջ, խոսքը Իրանի հակահրթիռային ծրագրի մասին է, որը ոչ ոքի կողմից արգելված չէ, իր երկրում մարդու իրավունքների պաշտպանության եւ տարածաշրջանում Իրանի վարքագծի մասին է՝ կոնֆլիկտային իրավիճակների վրա բացասական ազդեցության համար մեղադրանքների մասով», - հիշեցրել է Լավրովը:
