Դոմոդեդովո-Օրսկ չվերթն իրականացնող կործանված Ան-148 ինքնաթիռի երկրորդ օդաչու Սերգեյ Ղամբարյանը Մոսկվայի բնակիչ էր, հաղորդում է «Կոմսոմոլսկայա պրավդա»-ն:
Հայտնի է, որ օդաչուն 12 տարվա թռիչքային ստաժ ուներ: 2006 թվականին Ղամբարյանը ավարտել է Մոսկվայի քաղաքացիական ավիացիայի համալսարանը: 2012 թվականին որոշել էր բարձրացնել որակավորումը եւ ընդունվել էր Սանկտ Պետերբուրգի քաղաքացիական ավիացիայի պետական համալսարան:
«Սարատովյան ավիաուղիներից» առաջ Սերգեյը աշխատել է «Օրենբուրգյան ավիաուղիներում»: Սոցիալական ցանցերում ընկերների հետ կիսվում էր իր լուսանկարներով: Երկինքը նրա կիրքն էր: Սերգեյը նույնիսկ սովորել էր թռչել ուղղաթիռներով: Այս տեսանյութերը նա եւս հրապարակում էր սոցիալական ցանցերում: Կործանված ինքնաթիռի օդաչուի ընկերները ցավակցություններ են հայտնել իր էջիմ:
«Մեր ամբողջ կյանքը վերելքներ եւ անկումներ է», - գրել է Սերգեյի ընկերը՝ «Սոկոլ» ավիաընկերության օդաչու Սերգեյ Լապինը: Սերգեյի եւս մեկ գործընկեր Դարիա Ցարեւան, ով աշխատում էր «ՎԻՄ-ԱՎԻԱ» ավիաընկերությունում, գրել է. «Սրտանց ցավակցում եմ զոհվածների գործընկերներին, ընտանիքներին եւ ընկերներին: Համբերություն եւ քաջություն: Գնահատեք ձեր եւ ձեր սիրելիների կյանքը: Գործընկերներ, տուն վերադարձեք: Մեզ տանը սպասում են: Հանգիստ քնեք: Երկինքը ձեզ չի մոռանա»:
- «Ռոսավիացիան» ճշտել է կործանված Ան-148-ում եղած մարդկանց թիվը
- Ականատեսները պատմել են Մերձմոսկվայում այրվող օդանավի ընկնելու մասին
- Մերձմոսկվայում հայտնաբերվել են Ան-148 օդանավի բեկորները. ոչ ոք ողջ չի մնացել
- Մերձմոսկվայում օդանավ է կործանվել. ներսում եղել է 71 մարդ (ֆոտո)