Հայաստանի արտգործնախարար Էդվարդ Նալբանդյանը մեկնում է Հարավային Ամերիկա։
Հունվարի 1-ին նա մասնակցելու է Բրազիլիայի նախագահ Դիլմա Ռուսեֆի երդմնակալության արարողությանը։
Հունվարի 3-ին Հայաստանի արտգործնախարարը ժամանելու է Բուենոս Այրես, ուր նախատեսված է նրա հանդիպումը Արգենտինայի արտգործնախարար Հեկտոր Թիմերմանի հետ, իսկ հունվարի 5-ին Էդվարդ Նալբանդյանը մեկնելու է Ուրուգվայ։ Մոնտեվիդեոյում նախատեսված է նրա հանդիպումը Ուրուգվայի արտգործնախարար Լուիս Ալմագրոյի հետ։
«Ազատություն» ռադիոկայանի փոխանցմամբ, եւ Արգենտինայում, եւ Ուրուգվայում Հայաստանի արտգործնախարարը հանդիպումներ կունենա նաեւ տեղի հայ համայնքի ներկայացուցիչների հետ։