ՀՀ գյուղատնտեսության նախարար Իգնատի Առաքելյանի գլխավորած պատվիրակությունն այսօր մեկնել է Վիեննա:
Գյուղնախարարությունից NEWS.am-ին հայտնում են, որ այսօր՝ փետրվարի 12-ին նախարարը հանդիպում կունենա Ավստրիայի Հանրապետության կայունության եւ զբոսաշրջության նախարարության պետական քարտուղար Յոզեֆ Պլանկի հետ: Կքննարկվեն երկու երկրների միջեւ գյուղատնտեսության ոլորտում համագործակցության խորացմանն ուղղված հարցեր:
Նախատեսված են նաեւ հանդիպումներ Ավստրիայի գյուղատնտեսության պալատի նախագահ Հերման Շուլտեսի, Ավստրիայի զարգացման գործակալության գործադիր տնօրեն Մարտին Լեդոլտերի հետ:
ՀՀ գյուղատնտեսության նախարարը կայցելի նաեւ անասնապահական ֆերմաներ, այգեգործական տնտեսություններ եւ ագրովերամշակման ձեռնարկություններ: Այցի նպատակներից է ծանոթանալ գյուղատնտեսական կենդանիների համարակալման ավստրիական փորձին:
