Փետրվար ամսին Կարմիր Խաչի Միջազգային Կոմիտեի (ԿԽՄԿ) ներկայացուցիչները եւս մեկ անգամ այցելել են Լեռնային Ղարաբաղի հակամարտության կապակցությամբ կալանքի տակ գտնվող անձանց: Այս մասին NEWS.am-ին հայտնել է ԿԽՄԿ Լեռնային Ղարաբաղի առաքելության տեղեկատվության բաժնի աշխատակից Էթերի Մուսայելյանը:
«Մենք շարունակում ենք պարբերաբար այցելել նրանց: Իր մանդատի համաձայնք՝ ԿԽՄԿ-ն այցելում է կալանավորներին՝ նրանց կալանքի, բուժման պայմանների, նրանց հանդեպ վերաբերմունքի մոնիտորինգի անցկացման, ինչպես նաեւ բանտարկյալներին՝ իրենց հարազատների հետ շփվելու հնարավորություն ընձեռելու համար»,- նշել է ԿԽՄԿ ներկայացուցիչը:
Հիշեցնենք, որ ներկայումս Ադրբեջանում մեկ ԼՂՀ քաղաքացի եւ մեկ ՀՀ քաղաքացի է պահվում, իսկ Լեռնային Ղարաբաղում՝ Ադրբեջանի երեք քաղաքացի:
