2017թ. ընթացքում հայտնաբերվել է կոռուպցիոն բնույթի 634 հանցագործության դեպք, ինչը 48,1%-ով ավել է նախորդ տարվա համեմատ (2016թ.՝ 428): Կոռուպցիոն բնույթի հանցագործություններից 163-ը (71) կաշառակերության դեպքեր են, որոնցից 62-ը (62) հայտնաբերվել է ոստիկանության ջանքերով: Այդ մասին նշվում է ոստիկանության հաշվետվության մեջ։
Բարձրացել է հետաքննական աշխատանքների արդյունավետությունը. նախապատրաստվել է 166.250 (2016թ. 143.716) նյութ, հարուցվել է 7.155 (2016թ. 1.825) քրեական գործ, 21.023 (2016թ. 15.613) նյութով մերժվել է քրեական գործի հարուցումը:
Ոստիկանության ուժերով պատշաճ հասարակական կարգի պահպանություն եւ անվտանգություն է ապահովվել մի շարք զանգվածային միջոցառումների ընթացքում, մասնավորապես՝ ՀՀ Ազգային ժողովի, ինչպես նաեւ տեղական ինքնակառավարման մարմինների ընտրությունների ժամանակ: