Հյուսիսային Կորեայի առաջնորդ Կիմ Չեն Ընն ընդգծել է Հարավային Կորեայի հետ հարաբերությունների հետագա բարելավումը շարունակելու կարեւորությունը, հաղորդում է Կորեայի կենտրոնական հեռագրային գործակալությունը:
Հարավային Կորեայից վերադարձած պատվիրակությունը, որը գլխավորում էր հյուսիսկորեական առաջնորդի քույրը՝ Կիմ Յո Չժոն, զեկուցել է այցի եւ Մուն Չժե Ինի հետ բանակցությունների մանրամասները:
Վերջերս,Սեուլի եւ Փհենյանի հարաբերություններում նկատվել է որոշակի ջերմացում: Նախորդ շաբաթ Հարավային Կորեա էր մեկնել Հյուսիսային Կորեայի պատվիրակությունը Ձմեռային օլիմպիական խաղերի բացման արարողությանը մասնակցելու: Նրանք Հարավային Կորեայի առաջնորդին էին փոխանցել մոտակա ժամանակներս Հյուսիսային Կորեա այցելելու հրավերը եւ այստեղ Հյուսիսային Կորեայի նախագահի հետ հանդիպում անցկացնելու հրավերը:
Միաժամանակ, հիշեցնենք, որ զուգահեռ Սեուլն ու Վաշինգթոնը հետաձգել էին ամենամյա լայնամասշտաբ համատեղ զորավարժությունները, որոնց Փհենյանը մեծ զգուշությամբ է վերաբերում: