Սիրիական զորքերը պետք է վերցնեն թուրքական ներխուժումներից Աֆրինի պաշտպանության հիմնական պատասխանատվությունը: Այս մասին Al Mayadeen հեռուստաալիքին հայտնել է «Ժողովրդական ինքնապաշտպանության ուժեր» քրդական ջոկաատների հրամանատար Սիփան Համուն: Նա կոչ է արել սիրիական բանակին «շտապ ամրացումներ իրականացնել Թուրքիայի հետ սահմանին գտնվող այդ նահանգ»,փոխանցում է ՏԱՍՍ-ը:
«Սիրիայի զինվորականների եւ «Ժողովրդական ինքնապաշտպանության ուժերի» միջեւ այժմ սերտ համագործակցություն է առկա»,-նշել է քուրդ հրամանատարը:
Երկուշաբթի համաարաբյան Al-Hayat թերթը հայտնել էր, որ Հալեպից արեւմուտք տեղակայված սիրիական ուժերն իրենց դիրքերից թույլատրել են սնունդի, վառելիքի եւ առաջին անհրաժեշտության ապրանքների մատակարարումը Աֆինի բնակիչներին (1,5 մլն մարդ), որոնք հումանիտար օգնության կարիք ունեն:
Քրդերը ներկայումս հաջողությամբ ետ են մղում թուրքական տեխնիկայի, հրետանու եւ ավիացիայի կողմից աջակություն ստացող «Սիրիայի ազատ բանակի» հարձակումները: Նրանց հաջողվել է շարքից հանել մի քանի տանկեր, խոցել թուրքական ուղղաթիռներ եւ անօդաչուներ:
