Եգիպտական բանակի ստորաբաժանումները Սինայ թերակղզու հյուսիսային եւ կենտրոնական շրջաններում լայնածավալ հակաահաբեկչական օպերացիայի ընթացքում 10 զինյալ են ոչնչացրել, եւս 400 կասկածյալ ձերբակալվել է : Այս մասին նշվում է երեքշաբթի օրը երկրի զինված ուժերի կողմից տարածված հայտարարության մեջ, փոխանցում է «ՏԱՍՍ»-ը:
Նշվում է, որ ձերբակալվածների թվում օտարերկրացիներ կան: Ոչնչացվել է նաեւ ահաբեկիչների կողմից օգտագործվող մոտ 20 տրանսպորտային միջոց, ինչպես նաեւ՝ պահեստներ: Մոտ 80 պայթուցիկ սարք է հայտնաբերվել եւ ոչնչացվել: