Հարավային ռազմական օկրուգի զորքերի հրամանատար, գեներալ-գնդապետ Ալեքսանդր Դվորնիկովը ժամանել է Հայաստանում տեղակայված ռուսական ռազմաբազա, լրագրողներին հայտնել է ՀՌՕ մամուլի ծառայության պետ Վադիմ Աստաֆեւը, փոխանցում է «ՌԻԱ Նովոստի»-ն:
Այցելության աշխատանքային առաջին օրը Դվորնիկովը ստուգել է ռուսական «Էրեբունի» ավիաբազայի օդաչուների մարտական հերթապահության կազմակերպումը, ինչպես նաեւ զննել է ռազմական օդանավակայանի եւ Երեւանի ռազմական քաղաքների ենթակառուցվածքների օբյեկտները, որտեղ տեղավորված են ռուսաստանցի զինծառայողները եւ նրանց ընտանիքների անդամները, նշել է մամուլի ծառայության ղեկավարը:
«Գեներալ-գնդապետ Դվորնիկովը նաեւ ծանոթացել է ավիացիոն զորամասի ընտանեկան տիպի ծառայողական հանրակացարանների եւ Հայաստանի մայրաքաղաքի ռազմական քաղաքներից մեկի բազայում ռուսաստանցի զինծառայողների երեխաների համար դպրոցի շինարարության, վերանորգման ընթացքին»,- ասել է Աստաֆեւը:
ՀՌՕ զորահրամանտարը մի քանի օրվա ընթացքում կուսումնասիրի Գյումրիում տեղակայված ռուսական ռազմաբազայի պբյեկտների զարգացման հեռանկարները եւ միջոցառումների կմասնակցի Ռուսաստանի ու Հայաստանի ԶՈՒ-երի միացյալ շտաբի կազմում, հավելել է Աստաֆեւը:
