2018 թվականի հունվարին հայկական էլեկտրաէներգիայի՝ Իրանին մատակարարման ծավալները 2017 թվականի համեմատ աճել է 104 տոկոսով: Այս մասին փետրվարի 13-ի կայացած ասուլիսի ժամանակ հայտարարեց ՀՀ էներգետիկայի ենթակառուցվածքների եւ բնական պաշարների փոխնախարար Հայկ Հարությունյանը:
Ըստ նրա, աճի միտումը կպահպանվի նաև փետրվարին: «Սակայն ես չեմ կարող ասել, որ մատակարարումները կավելանան ամեն ամիս, քանի որ ներկայիս տաք եղանակային պայմաններում էլեկտրաէներգիայի սպառումը նվազել է: Սա բարդ գործընթաց է, եւ անհրաժեշտ է հաշվի առնել ռեժիմային առանձնահատկությունները»,- նշեց Հարությունյանը:
Այնուամենայնիվ, շարունակեց նա, որ էլեկտրաէներգիայի արտահանման աճը կառավարության ծրագրերում եւ բոլոր ռազմավարական փաստաթղթերում ներկայացված է որպես գերակա խնդիր: «Այդ նպատակով բանակցություններ են ընթանում ինչպես Իրանի, այնպես էլ Վրաստանի հետ», - եզրափակեց փոխնախարարը:
