News
Լրահոս
News
Ուրբաթ
Հոկտեմբեր 18
USD
476.43
EUR
529.69
RUB
7.45
ME-USD
0.08
Տեսնել լրահոսը

Հանրապետության նախագահի հետ աշխատանքային հանդիպման ժամանակ այսօր կառավարությանն առընթեր պետական գույքի կառավարման վարչության պետ Արման Սահակյանը զեկուցել է նախորդ հանդիպման ժամանակ Հանրապետության նախագահի կողմից տրված հանձնարարականների կատարման ուղղությամբ իրականացված աշխատանքները եւ դրանց արդյունքները, ոլորտում արձանագրված բարեփոխումներն ու դեռեւս առկա խնդիրները, ինչպես նաեւ 2018թ. անելիքները:

Արման Սահակյանը մասնավորապես զեկուցել է, որ նախագահի հանձնարարականի համաձայն, պետական բաժնեմասով ընկերությունների գործունեության արդյունավետության բարձրացման նպատակով պետական գույքի կառավարման վարչությունում համապատասխան պետական մարմինների հետ համատեղ իրականացվել է պետական բաժնեմասով ընկերությունների ֆինանսատնտեսական մոնիթորինգի արդյունքների համալիր վերլուծություն. ուսումնասիրվել են ֆինանսատնտեսական վիճակի վատթարացում արձանագրած առեւտրային կազմակերպությունների ցուցանիշները, դրանց պատճառներն ու ձեռնարկված միջոցների համարժեքությունը:

Ներդրվել են նաեւ գործարար ծրագրերի մշակման որակական չափորոշիչներ եւ դրանց արդյունավետության գնահատման համակարգ: Գործարար ծրագրի օրինակելի ձեւում հստակ սահմանվել են կատարման ենթակա հիմնական տնտեսական ցուցանիշները: Հանձնարարականի համաձայն, մշակվել են նաեւ պետբաժնեմասով ընկերությունների ծրագրային ցուցանիշների վերահսկողության, գործունեության թափանցիկության ապահովման, ինչպես նաեւ դրանց գործադիր մարմինների գործունեության գնահատման համապատասխան մեխանիզմներ եւ իրավական կարգավորումներ:

Պետական գույքի կառավարման վարչության պետը Հանրապետության Նախագահին ներկայացրել է նաեւ պետական գույքի կառավարման ոլորտի 2017թ. ամփոփ ցուցանիշները, Մասնավորեցման 2017-2020թթ. ծրագրի իրականացման ընթացքը, ոլորտում արդիական տեխնոլոգիաների արդյունավետ կիրառման եւ այլ հարցեր: Հանրապետության Նախագահը կարեւորել է պետական գույքի կառավարման արդյունավետության բարձրացմանը զուգահեռ արդիական մեթոդների եւ գործիքների կիրառումը, սոցիալական կարեւորության խնդիրների հստակ կարգավորումը, մասնավորեցվող ընկերությունների սոցիալական պարտավորությունների պահպանումը:

Արման Սահակյանի հավաստմամբ, ի կատարումն նախագահ Սարգսյանի մեկ այլ հանձնարարականի, մշտական հսկողության տակ են պահվում սոցիալական կարեւոր նշանակության՝ հանրակացարանային տարածքների սեփականաշնորհման եւ նվիրատվության գործընթացները, դրանք հասցվել են ավարտին՝ պարզեցնելով վարչարարությունն ու դյուրացնելով ընթացակարգերը:

Վարչության պետը զեկուցել է նաեւ պետական անշարժ գույքի օգտագործման ոլորտում մասնավորեցումից, օտարումից, վարձակալությունից եւ մյուս ուղղություններից գոյացած եւ պետական բյուջե վճարված ֆինանսական մուտքերի դինամիկան, ինչպես նաեւ պետական սեփականություն համարվող անշարժ գույքի հաշվառման եւ գրանցամատյանի բարեփոխման աշխատանքները։

Արման Սահակյանը նշել է, որ արդարադատության նախարարության հետ համատեղ ուսումնասիրվել են սնանկության վարույթի շրջանակում պետական գույքի իրացման հետ կապված խնդիրները:

Մշակվել են պետական պարտավորությունների լիարժեք կատարմանն ուղղված իրավական կարգավորումներ:

Հանրապետության նախագահը կարեւորել է նախատեսված ծրագրերը պատշաճ մակարդակով եւ նախատեսված ժամկետներում ավարտելը, ընդգծելով, որ դրանք, այդ թվում՝ Մասնավորեցման 2017-2020թթ. ծրագիրը, կարեւոր նշանակություն ունեն պետական գույքի կառավարման արդյունավետության բարձրացման, ինչպես նաեւ ներդրումների խթանման միջոցով տնտեսության աշխուժացմանը նպաստելու, սոցիալական կարեւոր հարցեր լուծելու տեսանկյունից:

!
Այս նյութը հասանելի է նաև   Русский and Türkçe
Տպել
Կարդացեք նաև
Ամբողջը
«Էրեբունի-Երեւան» տոնկատարությունների շրջանակում Երեւանի մետրոպոլիտենն աշխատելու է արտակարգ ռեժիմով
Մետրոպոլիտենը միշտ աշխատել եւ աշխատում է իր կարգախոսի համաձայն՝ «արագ, անվտանգ եւ անխափան...
Խորհրդակցություն՝ Ավինյանի գլխավորությամբ. Քննարկվել են Գառնիի զբոսաշրջային գոտու, Դվինի թանգարանացման հարցեր
Տեղի է ունեցել խորհրդակցություն «Տեղական տնտեսության եւ ենթակառուցվածքների զարգացման» ծրագրի վերաբերյալ…
Ատոմ Ջանջուղազյանը Ասիական զարգացման բանկի պատվիրակության հետ քննարկել է ոլորտային ծրագրերը
Շիվաջի Կշատռապատին իր հերթին բարձր է գնահատել ՀՀ կառավարության ձեռքբերումները, մասնավորապես՝ կայուն հարկաբյուջետային միջավայրի ապահովումը եւ եվրապարտատոմսերի թողարկումը…
Դոլարի փոխարժեքը նվազել է. եվրոն թանկացել է շուրջ 3,5 դրամով
Թանկարժեք մետաղների համար բանկի կողմից սահմանվել են հետեւյալ գները...
Հայաստանի Հաշվեքննիչ պալատը 9,9 մլրդ դրամի լուրջ խախտումներ է հայտնաբերել
Նյութերի մի մասը ներկայացվել է դատախազություն՝ հետագա ստուգում անցկացնելու համար…
Հանքարդյունաբերությունը որպես ոլորտ աղետ է Հայաստանի համար, որից օգտվում են ընդամենը մի քանի հոգի. Թանդիլյան
Զանգեզուրի պղնձամոլիբդենային կոմբինատի պոչամբարից արտահոսքի արդյունքում Ողջի գետի աղտոտումը բնապահպանական լուրջ աղետ է...
Ամենաշատ