News
Լրահոս
News
Երկուշաբթի
Հոկտեմբեր 22
Տեսնել լրահոսը

Այսօր՝ փետրվարի 13-ին, Արցախյան շարժման 30-ամյակին նվիրված՝ Ստեփանակերտում կազմակերպվել է տոնական երթ եւ հանրահավաք:

«Արցախպրես»-ի փոխանցնամբ՝ երթի մասնակիցները պաստառներով, դրոշներով, կոչերով, «Միացում» վանկարկելով մայրաքաղաքի կենտրոնական փողոցներով շարժվել են դեպի Ստեփանակերտի Վերածննդի հրապարակ, որտեղ էլ կայացել է Ղարաբաղյան շարժման 30-ամյակին նվիրված տոնական միջոցառում:

Հանրահավաքին օրհնության խոսք է հղել Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը:

Միջոցառման ընթացքում ցուցադրվել են Ղարաբաղյան շարժման մասին պատմող փաստավավերագրական ֆիլմեր:

Հանրահավաքին Արցախյան շարժման 30-րդ տարեդարձի առթիվ շնորհավորական ելույթով հանդես է եկել Արցախի Հանրապետության նախագահ Բակո Սահակյանը՝ ասելով, որ 1988 թվականը բեկումնային է եղել հայ ժողովրդի պատմության մեջ:

Ղարաբաղյան շարժման ակտիվիստ, Արցախի հերոս Ժաննա Գալստյանը վերհիշելով 1988 թվականի հանրահավաքը, ասել է. «Այն ժամանակ մենք ճնշված էինք: 1988-ին մեզանից յուրաքանչյուրը դուրս է եկել հրապարակ մի պարզ նպատակով՝ շրջել հայոց պատմության վերջին 100-ամյակի շեղված անիվը: Դուրս էր եկել գիտակցելով, որ ինքը հզոր կայսրության պատժիչ մեքենայի անիվների տակ կարող էր մնալ: Իսկ այսօր, բարեբախտաբար, մեզ պաշտպանում է հայոց հզոր բանակը»:

Միաջոցառման ընթացքում, տեսակապի միջոցով ղարաբաղյան շարժման 30-ամյակի կապակցությամբ իրենց շնորհավորական ուղերձներն են հղել նաեւ Հայաստանի, Ռուսաստանի, Ֆրանսիայի, Մեծ Բրիտանիայի, ԱՄՆ-ի, Եվրոխորհրդարանի քաղաքական ուժերի ներկայացուցիչներն ու մշակութային հայտնի գործիչներ:

Վերջում հնչել են ազգային երգեր, պարեղանակներ՝ Վերածննդի հրապարակը վերածելով ազգային մեծ տոնախմբության հարթակի:

Հանրահավաքին ներկա էին ԱՀ երկրորդ նախագահ Արկադի Ղուկասյանը, ԱՀ ԱԺ նախագահ Աշոտ Ղուլյանը, ԱՀ պետնախարար Արայիկ Հարությունյանը, ԱԺ պատգամավորներ, Արցախյան շարժման առաջամարտիկներ եւ նրանց գործն այսօր շարունակող երիտասարդներ, հյուրեր եւ այլք:

!
Այս նյութը հասանելի է նաև   Türkçe
Տպել
Կարդացեք նաև
Ամբողջը
Բոլթոնը կարող է ղարաբաղյան հակամարտության հարցում Բաքվին ինչ-որ նոր գաղափարներ առաջարկել. Մարկեդոնով
Իրադարձությունների նման ընթացքը կարող է Անդրկովկասի իրավիճակը սկզբունքորեն փոխել…
Ջեյմս Ուորլիք․ Ղարաբաղի հարցի նկատմամբ այս աշխատակազմի կողմից հետաքրքրության վկայություն չեմ տեսնում
Ուորլիքն ընդգծեց, թե կուզեր, որ ԱՄՆ-ը, Ռուսաստանն ու Ֆրանսիան միասին աշխատեին այն քայլերի ուղղությամբ․․․
ԱՄՆ դիվանագետը չի բացառում, որ Արցախը կարող է վերադառնալ բանակցությունների սեղանի շուրջ
Մինսկի համաժողովին ի սկզբանե վստահված մանդատով խոսվել է միայն «հակամարտության կողմերի» մասին` առանց հավելյալ պարզաբանումների…
Քերի Քավանո․ Բոլթոնի օրակարգում ղարաբաղյան հակամարտությունն առաջին տեղում չէ
Բոլթոնի այցը բոլորովին այլ բան է․․․
Բակո Սահակյանը այցելել է սահմանագիծ
Նախագահին ուղեկցում էին պաշտպանության նախարար Լեւոն Մնացականյանը, պաշտոնատար այլ անձինք...
Ադրբեջանական կողմի հետ, ինչպես եւ պայմանավորվել էինք, հաստատվել է հուսալի օպերատիվ կապ. Փաշինյան
Ընդհանուր առմամբ, կարող եմ ասել, որ հայ ադդրբեջանական սահմանին եւ Ղարաբաղ-Ադրբեջան շփման գծում վիճակը աննախադեպ հանգիստ է եւ դա ինչ-որ առումով Դուշանբեի պայմանավորվածությունների արդյունք է...
Ամենաշատ
Partner news