News
Լրահոս
News
Երկուշաբթի
Մարտ 30
USD
498.43
EUR
548.22
RUB
6.4
ME-USD
0.03
Տեսնել լրահոսը

Լեռնային Ղարաբաղի շուրջ լարվածությունը կարող է Հայաստանի եւ Ադրբեջանի միջեւ լայնածավալ ռազմական հակամարտության վերածվել, որը կարող է ներգրավել Ռուսաստանին  իր տարածաշրջանային դաշնակցին աջակցելու համար: Այս մասին ասվում է Միացյալ Նահանգների ազգային հետախուզության տնօրեն Դենիել Քոութսի կողմից հրապարակված «Սպառնալիքների համաշխարհային գնահատականը» զեկույցում:

Փաստաթուղթը ներկայացնում է 2018-ին ԱՄՆ ազգային անվտանգության սպառնալիքների գնահատականը:

Մասնավորապես Ղարաբաղին նվիրված հատվածում նշվում է, որ «երկու կողմերի՝ փոխզիջմանը գնալու ցանկության բացակայությունը, այլ կողմերից ճնշման ավելացումը, Ադրբեջանի կայուն ռազմական արդիականացումը եւ 2018-ին Հայաստանի կողմից նոր ռուսական զենքի ձեռքբերումը կարող են լայնածավալ ռազմական գործողությունների հանգեցնել»:

Զեկույցում նշվում է, որ Կրեմլը կձգտի աջակցել  եւ հնարավորինս ընդլայնել բոլոր նախկին խորհրդային երկրների տարածքում իր ազդեցությունը:

 «Ռուսաստանի նախագահ Վլադիմիր Պուտինն իր հաջորդ հնարավոր նախագահական ժամկետի ընթացքում հիմնվելու է ագրեսիվ եւ օպորտունիստական արտաքին քաղաքականության վրա` Ռուսաստանի սահմաններից դուրս արդյունքների հասնելու համար: Նա նաեւ կդիմի ավելի ավտորիտար մարտավարությանը, որպեսզի վերահսկի իր իշխանության մարտահրավերները», - նշվում է փաստաթղթում:

ԱՄՆ հետախուզության ղեկավարի խոսքով՝ Վրաստանի արեւմտյան իտեգրացումը ձախողելու ՌԴ փորձերը Թբիլիսիում անկայուն իրավիճակի հիմնական աղբյուրները կմնան: Ռուսաստանը կփորձի  նաեւ կանխել Բելառուսի եւ Արեւմուտքի հարաբերություններում հնարավոր ջերմացումը:

Ինչ վերաբերում է Ուկրաինային, հետախուզության ղեկավարը կարծում է, որ երկիրը դեռեւս ներքաղաքական անկարգությունների վտանգի տակ է, որը Ռուսաստանը կարող է օգտագործել Կիեւի արեւմտամետ կողմնորոշումը ձախողելու համար:

«Մինչ այդ եվրոպական եւ եվրոպական ազգային կառավարությունները պայքարելու են անվտանգության խնդիրների լուծման վերաբերյալ մի շարք միասնական մոտեցումներ մշակելու համար, այդ թվում,  ծայրամասերում անկայունության, տարածաշրջանում անհամաչափ միգրացիայի, ահաբեկչական սպառնալիքների եւ ռուսական արշավների ազդեցության ավելացման դեմ, որոնք վնասում են Արեւմուտքի միասնականությանը»,-նշվում է զեկույցում:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Բաքուն ամեն րոպե սպասում է Արցախում ֆորս-մաժորային իրավիճակի, որ այնտեղ գործողություններ սկսի. Արամ Գ. Սարգսյան
Նրանք, ովքեր կփորձեն սպառնալիքի տակ դնել Արցախի անվտանգությունը, կդառնան ամբողջ հայ ժողովրդի թշնամիները…
Մարտական դիրքում հակառակորդի կրակոցից պայմանագրային զինծառայող է վիրավորվել
Ադրբեջանական զինուժի կրակից հրազենային վիրավորում է ստացել պայմանագրային զինծառայող...
ԱՄՆ-ի որոշումը Ղարաբաղում ականազերծման ծրագրի կրճատման մասին ուղերձ է Հայաստանի իշխանություններին. քաղաքագետ
Այս որոշումը կարող է քաղաքական եւ իրավական միջադեպ դառնալ, ինչից հետագայում կօգտվի Ադրբեջանը...
Արցախի ՊԲ-ն հերքել է ադրբեջանական հերթական ապատեղեկատվությունը՝ չեզոք գոտում զինծառայողի թողնելու վերաբերյալ
Պաշտպանության բանակի դիրքապահ ստորաբաժանումները հետեւում են հրադադարի պահպանման...
Ղարաբաղին ցուցաբերվող օգնության դադարեցման մասին ԱՄՆ-ի որոշումը Բաքվին «կանաչ լույս» կտա. ՀՅԴ
«Վաշինգտոնը դրանով կկորցնի ԵԱՀԿ Մինսկի խմբի` արդար եւ չեզոք միջնորդի կարգավիճակը...
«Ձեռնպահ մնալ սադրիչ գործողություններից». ԵԱՀԿ ՄԽ համանախագահները հայտարարություն են տարածել
Ընդգծելով, որ ԵԱՀԿ գործող նախագահի անձնական ներկայացուցչի կողմից մշտադիտարկումները դադարեցվել են...