News
Լրահոս
News
Ուրբաթ
Հոկտեմբեր 19
Տեսնել լրահոսը

ՀՀ էներգետիկ ենթակառուցվածքների եւ բնական պաշարների նախարար Աշոտ Մանուկյանը հանդիպել է  Հայաստանում եւ Վրաստանում Միացյալ Թագավորության  առեւտրի  եւ ներդրումների հարցերով հանձնակատար Մարկ Փրիթչարդին։ Հանդիպմանը մասնակցել է նաեւ ՀՀ-ում Միացյալ Թագավորության արտակարգ եւ լիազոր դեսպան  Ջուդիթ Ֆարնուորթը:

Նախարարությունից NEWS.am-ին հայտնում են, որ ողջունելով հյուրերին՝ նախարար Մանուկյանը գոհունակություն է  հայտնել էներգետիկայի ոլորտում հայ-բրիտանական համագործակցության ձեւավորման վերաբերյալ՝  համոզմունք հայտնելով, որ այս համագործակցությունը կընդլայնվի եւ կզարգանա:

Նախարարն անդրադարձել է վերականգնվող  էներգետիկայի բնագավառում  արտադրական կարողությունների  զարգացմանն  ուղղված  ծրագրերի արդյունավետությանը, մասնավորապես՝ արեւային  կուտակիչ կայանների կառուցմանը:  Այդ համատեքստում   զրուցակիցներին է  ներկայացրել նաեւ «Մասրիկ-1»  արեւային ֆոտովոլտային կայանի եւ  «Շնող»  ՀԷԿ-ի կառուցման ծրագրերը:

Դեսպան Ջուդիթ Ֆարնուորթը նշել է, որ Միացյալ Թագավորության կառավարությունը պատրաստ է խորացնել տնտեսական համագործակցությունը Հայաստանի հետ՝ պատրաստակամություն հայտնելով ներդրումների ներգրավմանը։

Իր հերթին Մարկ Փրիթչարդը շնորհակալություն է հայտնել նախարարին՝ ոլորտի ներդրումային ծրագրերը հանգամանալի ներկայացնելու համար եւ վերահաստատել համագործակցությունը խորացնելու պատրաստակամությունը:

Հանդիպման ընթացքում կարեւորվել է էներգետիկայի բնագավառի մասնագետների վերապատրատման նպատակով համատեղ ուսումնական կենտրոնի  ստեղծումը:

Կողմերն անդրադարձել են նաեւ հանքարդյունաբերության ոլորտում իրականացվող օրենսդրական բարեփոխումներին եւ  զարգացման հեռանկարներին:

Խոսելով Արդյունահանող ճյուղերի թափանցիկության նախաձեռնությանը  Հայաստանի Հանրապետության անդամակցության մասին՝ նշվել է, որ Հայաստանում Միացյալ Թագավորության դեպանատան հետ փոխգործակցությունը կնպաստի, որպեսզի   2019թ. Հայաստանն, անցնելով միջազգային վավերացման գործընթացը, կարողանա ճանաչվել նախաձեռնության ստանդարտներին համապատասխանող երկիր:

Կարեւորելով իրականացվող օրենսդրական փոփոխություններն ու քաղաքականության առաջնահերթությունները՝ Աշոտ Մանուկյանը նշել է. «Առաջիկա  1-2 տարում մենք պետք է հանքարդյունաբերության ոլորտի բացարձակ թափանցիկության հասնենք»:

Հանդիպման ավարտին կողմերը վերահաստատել են  երկու երկրների միջեւ էներգետիկայի բնագավառում համագործակցությունն առավել արդյունավետ դարձնելու պատրաստակամությունը:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Մտահոգիչ իրավիճակ է. Արմենուհի Կյուրեղյանը՝ Բյուջեի նախագծի հետաձգման մասին
Եթե մենք անընդհատ դեկտեմբերին ենք ունենալու ընտրություններ, նաեւ 5 տարի հետո, ուրեմն անընդհատ կանգնելու ենք փաստի առաջ, որ բյուջեի քննարկումները խաթարվելու են...
ՀՀ կառավարությունը շահագրգռված է Կորեայից ներդրումների ներգրավմամբ. Փաշինյանը՝ Կորեայի դեսպանին
Նիկոլ Փաշինյանն ընդունել է Հայաստանում Կորեայի Հանրապետության արտակարգ եւ լիազոր դեսպան Ու Յուն Գընին…
Դոլարի անկումը շարունակվում է. եվրոն էժանացել է 2,5 դրամով
Թանկարժեք մետաղների համար բանկի կողմից սահմանվել են հետեւյալ գները...
Եկամտային հարկի համահարթեցված տարբերակն ընդունելի չէ ոչ տնտեսական, ոչ սոցիալական տեսանկյունից. տնտեսագետ
Դա ավելի կխորացնի մեր հասարակության մեջ գրանցված սոցիալական բեւեռվածությունը...
«Բնակարան երիտասարդ ընտանիքներին» նախագծում կան կետեր, որոնք լրացուցիչ խոչընդոտ են ստեղծում. տնտեսագետ
Նախագծի մակարդակով պատրաստ է մի փաստաթուղթ, որի համաձայն, ընտանիքի անդամների համագումարը 65–ից դարձնում են 70...
2019-ի պետբյուջեի նախագիծը կարելի է բնորոշել համեստ, նախկին վարկերը փակելուն ուղղված բյուջե. Տնտեսագետ
Տնտեսագետի խոսքով, բյուջեի նախագծով նախատեսվում է 15 մլրդ դրամով ավելացնել կուտակային ֆոնդերի կառավարիչներին փոխանցվող գումարի չափը...
Ամենաշատ
Partner news