ԱՄՆ նախագահ Դոնալդ Թրամփի առաջարկած ռազմական շքերթը կարող 10-ից մինչեւ 30 միլիոն դոլար արժենալ: Այս մասին Ներկայացուցիչների պալատի բյուջեի հանձնաժողովում հայտարարել է Սպիտակ տան կառավարման եւ բյուջեի տնօրեն Միք Մալվենին, հաղորդում է AP-ն:
Մալվենին ընդգծել է, որ դրանք շատ նախնական գնահատականներ են:
Նրա խոսքով՝ շքերթի տեւողությունից կախված այն կարող է 10-ից մինչեւ 30 միլիոն դոլար արժենալ: Մալվենին նշել է, որ վարչությունը դեռ վերջնական որոշում չի կայացրել: Նրա խոսքով՝ վարչակազմի շքերթի գումարները պետք է Կոնգրեսի հատկացումներից կամ գոյություն ունեցող միջոցներից ստանալ: