Microsoft-ը չի կարողացել առանց Skype-ի ծածկագրի մեծածավալ արտագրման ուղղել հավելվածի խոցելիությունը, հաղորդում է ZDNet-ը:

Skype-ի թարմացման մեխանիզմում խոցելիությունը հայտնաբերվել է անվտանգության հետազոտող Ստեֆան Քանթակի կողմից՝ 2017 թվականի սեպտեմբերին: Այն թույլ է տալիս հարձակվողներին համակարգում վնասակար ծածկագիր մտցնել եւ մուտք գործել տուժողի համակարգիչ`համակարգային մակարդակի իրավունքներով, այդ թվում, ֆայլեր գողանալ, տվյալներ ջնջել:

 Քանթակը ZDNet-ին տեղեկացրել է,որ Microsoft-ը կարողացել է վերարտադրել խնդիրը, բայց ուղղումը կթողարկվի միայն ծրագրային ապահովման նոր տարբերակում, այլ ոչ թե անվտանգության թարմացման միջոցով: