Թրամփի վարչակազմը եւ ԱՄՆ հետախուզական հանրությունը քննարկում են ապագա ընտրություններին ռուսական միջամտությունը թույլ չտալու ծրագրերը: Այս մասին չորեքշաբթի հայտարարել է ԱՄՆ փոխնախագահ Մայք Փենսը, հաղորդում է «Ամերիկայի ձայնը»:
Փենսի հայտարարությունը հաջորդեց այն բանից հետո, երբ ԱՄՆ հետախուզական բարձրաստիճան պաշտոնյաները շեշտեցին, որ ըստ իրենց գնահատականների, Մոսկվան կշարունակի այդ ջանքերը:
Նա նշել է, որ վարչակազմը լուրջ է վերաբերվում միջամտության վտանգին: «Մենք քննարկում ենք ապագայի ծրագրերը, որոնք պետք է երաշխավորեն, որ Ռուսաստանի եւ այլ երկրների կողմից մեր ընտրություններին միջամտությանը հակահարված կտրվի»: