Ֆլորիդայի ավագ դպրոցում հրաձգության կասկածյալը ձերբակալվել է, հաղորդում է ABCNews-ը` հղում անելով շերիֆի գրասենյակին:
Հրաձգության արդյունքում մոտ 20 մարդ վիրավորվել է, սակայն վնասվածքների բնույթի մասին տեղեկատվություն չի հաղորդվում: Ինչպես հաղորդում են որոշ լրատվամիջոցներ, հրաձգության արդյունքում զոհ կա, սակայն պաշտոնական հաստատումը չի եղել: ԶԼՄ-ների տվյալներով, հրաձիգը դպրոցի աշակերտներից մեկն է: Հրաձգության վայրում ՀԴԲ-ն եւ հատուկ նշանակության ուժերն են:
Նախագահ Դոնալդ Թրամփը տեղյակ է Ֆլորիդայում դպրոցի հրաձգության մասին: «Մենք վերահսկում ենք իրավիճակը: Մեր մտքերը եւ աղոթքները նրանց հետ են, ովքեր վիարվորվել են», - ասել է Սպիտակ տունը:
Ջեյելա Դոդոն, որը սովորում է Marjory Stoneman Douglas High School- ում, CBS News- ին պատմել է դեպքի մասին: Ջեյելայի խոսքով, շենքում ժամը 14:30-ի սահմաններում միացել են հրդեհային ահազանգերը: Դա տեղի էր ունեցել օրվա ընթացքում ոչ առաջին անգամ, եւ շուտով աշակերտները մոտ վեց կրակոցներ են լսել: Այնուհետեւ սկսվել է խուճապը: