News
Լրահոս
News
Երկուշաբթի
Հուլիս 15
Տեսնել լրահոսը

ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանն ընդունել է Հայաստանում Ֆրանսիայի արտակարգ եւ լիազոր դեսպան Ժոնաթան Լաքոտին եւ նրա հետ քննարկել մի շարք հարցեր:

Նախարարությունից NEWS.am-ին հայտնում են, որ կողմերը քննարկել են տեղեկատվական տեխնոլոգիաների, տրանսպորտի եւ ճանապարհաշինության ոլորտներին վերաբերող մի շարք հարցեր:

Մասնավորապես, նախարարն անդրադարձել «Հյուսիս-հարավ ճանապարհային միջանցքի ներդրումային ծրագրի» հարավային հատվածի շինարարությանը: Նա նշել է, որ ուրախ կլինի ֆրանսիական ճանապարհաշինական ընկերություններին եւս ներգրավված տեսնել պետություն-մասնավոր հատված համագործակցության ձեւաչափով նախատեսվող այդ ճանապարհաշինական ծրագրի մրցութային գործընթացներում:

Վահան Մարտիրոսյանը դեսպանին ներկայացրել է նաեւ Հայաստանի տարածքում միասնական տրանսպորտային ցանցի ներդրման ծրագիրը՝ նշելով, որ ֆրանսիական ընկերությունների մասնակցությունը եւս ակնկալում է միասնական տրանսպորտային օպերատորի ընտրության մրցույթում:

Նախարարն անդրադարձել է հեռահաղորդակցության եւ կիբերանվտանգության ոլորտներում եւ Հայաստանում տարածաշրջանային «Data center»-ի կառուցման ծրագրի շուրջ համագործակցության հնարավորություններին:

Դեսպանն էլ իր հերթին ընդգծել է, որ հայաստանյան ՏՏ ոլորտի զարգացման բարձր մակարդակը չի վրիպել ոչ միայն իրենց, այլեւ ֆրանսիական տեխնոլոգիական ընկերությունների աչքից:

Նախարարը նշել է, որ չնայած բարձր է գնահատում ֆրանսիական ընկերությունների համագործակցությունը հայ մասնագետների հետ, սակայն ուրախ կլինի տեսնել ֆրանսիական ՏՏ ընկերությունների գիտահետազոտական լաբորատորիաները Հայաստանում:

Հանդիպման ընթացքում կողմերը քննարկել են նաեւ հոկտեմբերին Հայաստանում կազմակերպվելիք Ֆրանկոֆոնիայի 17-րդ գագաթաժողովի մանրամասները:

Վահան Մարտիրոսյանը նշել է, որ, մյուս գերատեսչությունների հետ համագործակցությամբ, ակտիվ նախապատրաստական աշխատանքներ են տարվում կապի ապահովման միջոցներ եւ հեռարձակման բարձր որակ ապահովելու համար:

Նախարարը նաեւ հայտնել է, որ կաբելային հեռուստատեսային ծառայություններ մատուցող օպերատորներն արդեն իսկ իրենց ծրագրերում ներառել են ֆրանկոֆոն «Թիվի 5» հեռուստաալիքի հեռարձակումը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«ՎՈՅԱԺ 30» ինտերնետը ռոումինգում՝1000 ՄԲ-ը 1500 դրամով
Ընդամենը 1500 դրամով կարելի է ակտիվացնել ռոումինգում օգտագործման 30-օրյա ժամկետով...
Հայաստանում ակադեմիական քաղաքը կսկսի գործել 2030-ին. Ժաննա Անդրեասյան
Անդրեասյանն ասաց, որ այժմ քննարկվում է, թե որ փուլում ինչ աշխատանքներ պետք է իրականացվեն...
Ակադեմիական քաղաքի նախագծի իրականացումը կարող է տևել 20-30 տարի և կարժենա 5,7 միլիարդ դոլար
Վերջնական հատակագծի հաստատումը սպասվում է մինչև տարեվերջ, իսկ առաջին...
Իշխանությունը դժգոհություն չի ունեցել իմ աշխատանքի հետ կապված. Ավետ Պողոսյանն իրեն պաշտոնից ազատելու մասին
ՀՀ բարձր տեխնոլոգիական արդյունաբերության նախարարի տեղակալ Ավետ...
Երևանում կայացել է 3 333 000 FTN մրցանակային ֆոնդով 2-րդ B.F.T.H. Arena x Ortak մրցանակաբաշխությունը (ֆոտո)
Այս տարի ավելացել են ևս 3 անվանակարգեր։ «Խաղային լավագույն ձեռքբերում» է համարվել «PopOK Gaming»-ի  «FastMaster»-ը։ «Լավագույն արկադային խաղ է» «Gaming Corps»-ի «Mr․ First Mines»-ը...
Ucom ընկերության գլխավոր տնօրենը մասնակցել է  Silicon Mountains Shirak տեխնոլոգիական ֆորումին 
Թվային տեխնոլոգիաներն այսօր անհրաժեշտություն են բոլոր ոլորտներում...
Ամենաշատ