News
Լրահոս
News
Ուրբաթ
Մարտ 29
Տեսնել լրահոսը

Հնագետներն աննախադեպ հայտնագործություն են կատարել՝ սաուդյան անապատի ավազուտներում բնական մեծությամբ ուղտերի քանդակներ հայտնաբերելով, որոնք, նախնական գնահատականներով, 2000 տարեկան են:

Այս տարածաշրջանում հնագետներն արդեն ուղտերի պատկերների հանդիպել էին, սակայն վերջին գտածոն ներկայացվում է որպես չափերով աննախադեպ: Ֆրանսիացի եւ սաուդցի հնագետները Սաուդյան Արաբիայի հյուսիս-արեւմուտքում ժեռուտ կառուցվածքների վրա կենդանիների ուրվագծեր են նկատել:

Հայտնի չէ, թե ինչու են հնագույն նկարիչները որոշել ուղտեր փորագրել անմարդաբնակ տեղանքի ժայռերի վրա: Հնարավոր է, որ այս հատվածում ինչ-որ ժամանակ սրբավայր է եղել, հայտնում է The Daily Mail-ը:

Արաբական տարածաշրջանում հնագույն գեղարվեստական ստեղծագործությունների առավել տարածված թեմատիկան ռազմամարտերի, որսերի կամ կենդանիների միգրացիայի տեսարաններն են, ինչպես նաեւ կենդանակերպ առասպելական էակների պատկերները: Ինչպես խոստովանում են հնագետները, ուղտերը բոլոր հայտնի եւ տարածաշրջանի համար սովորական հրաշալի տեխնիկայով են կատարված:

Անապատում դրանց տեղադրությունը եւ քարավանների երթուղիներին մերձ լինելը հուշում է, որ քանդակները, հավանաբար, զարդարել են կայանատեղի, որը նախատեսված էր հոգնած ճամփորդների եւ նրանց ուղտերի համար: 

!
Այս նյութը հասանելի է նաև   Русский
Տպել
Ամենաշատ