Facebook-ը եւ Twitter-ը բավարար կերպով չեն կատարում ԵՄ կանոններն օգտատերերի պաշտպանության մասին։ Չորեքշաբթի՝ փետրվարի 15-ին Եվրահանձնաժողովը կհրապարակի մի փաստաթուղթ, որից կհետեւի, որ սոցիալական ցանցերի ղեկավարությունը հրաժարվում է կատարել Եվրամիության կանոնակարգերը։ Այս փաստաթղթի մի մասը հայտնվել է dpa գործակալության տրամադրության տակ։
Եվրոպական գերատեսչությունում նշում են, որ Twitter-ը նախկինի պես փոխում է իր պայմանները օգտատերերի համար՝ առանց նրանց տեղեկացնելու: Բացի դրանից,Twitter-ը եւ Facebook- ը, առանց տեղեկացնելու օգտատերերին, ջնջում են բեռնված բովանդակությունը: Փաստաթղթում նշվում է նաեւ, որ սպառողների պաշտպանության ոլորտը գտնվում է ազգային իշխանությունների իրավասության ներքո, եւ Եվրահանձնաժողովը իրավասու չէ խախտումների դեպքում տուգանքներ նշանակել: