Երուսաղեմի քրիստոնեական եկեղեցիների ղեկավարները մտադիր են բոյկոտել քաղաքապետ Նիր Բարկաթի կողմից կազմակերպված միջոցառումը՝ որպես եկեղեցու սեփականության նկատմամբ քաղաքային հարկերի սահմանամն դեմ բողոքի նշան:
Եկեղեցիների ղեկավարները, այդ թվում նաեւ՝ հայոց պատրիարք Նուրհան արքեպիսկոպոս Մանուկյանը, հայտարարություն են ստորագրել, որում նշված է, որ այս որոշումը հակասում է Երուսաղեմի եկեղեցիների եւ քաղաքային իշխանությունների պատմական դիրքորոշմանը: Ըստ նրանց՝ քաղաքային հարկը վնասում է Երուսաղեմի սրբազան բնույթին եւ վտանգում է եկեղեցու՝ իր համայնքների անունից Սուրբ Երկրի վրա ծառայելու կարողությունը, հաղորդում է Haaretz-ը:
Քաղաքային իշխանություններն իրենց հերթին անընդունելի են համարում իրավիճակը, երբ եկեղեցիներին պատկանող հյուրանոցները, բանկետների սրահները եւ այլ բիզնեսը չեն հարկադրվում:
Իշխանությունները հայտարարել են, որ ամանորյա ավանդական միջոցառումը, անկախ ամեն ինչից, տեղի կունենա:
