Սեֆիլյանի եւ Սաֆարյանի հեռախոսազրույցների գաղտնալսումը ոչ մի հիմք չի ունեցել, քանի որ իրականացվել է մինչեւ վերջիններիս նկատմամբ դատարանի կողմից մեղադրանք առաջադրելը։ Այսպիսի կարծիք «Ժիրայր Սեֆիլյանի եւ Գեւորգ Սաֆարյանի քրեական գործով առաջադրված մեղադրանքը. իրավապաշտպանների մտահոգությունները» քննարկման ժամանակ հայտնեց Գեւորգ Սաֆարյանի եւ Ժիրայր Սեֆիլյանի պաշտպան, փաստաբան Տիգրան Եգորյանը։
Այսպիսով, փաստաբանի խոսքով՝ ստացվում է, որ գաղտնալսումն անօրինական է եղել եւ խախտել է իր պաշպանյալների իրավունքները։ Միաժամանակ, Եգորյանը հաղորդեց, որ, նույնիսկ այն ձայնագրությունները, որոնք հաջողվել են կատարել եւ որոնք ներկայացվել են դատարան, չեն պարունակում որեւէ լուրջ, վարկաբեկող տեղեկատվություն իր պաշտանյալի մասին: Այնտեղ մի քանի անգամ քննարկվում է փոքր բողոքի ակցիաների իրականացումը, սակայն Սեֆիլյանը ձայնը այդ ձայւնագրություններում չկա։
Բացի այդ, փաստաբանը նկատեց, որ քանի որ այդ ձայնագրությունները կատարվել են անօրինական կերպով, թույլատրելի բոլոր ընթացակարգային նորմերի խախտմամբ, դրանք դատարանի կողմից չպետք է դիտարկվեն որպես նյութական ապացույց: Փաստաբանը նաեւ վրդովմունք հայտնեց, որ դատարանը նույնիսկ չի ստուգել՝ իրական են այդ ձայնագրությունները։
Հիշեցնենք, որ դատարանը Ժիրայր Սեֆիլյանին դատապարտել է 11, իսկ Գեւորգ Սաֆարյանին 4,5 տարվա զատազրկման։
