Ավստրալիայի վարչապետ Մալքոլմ Թյորնբուլը որոշել է ավտրալական կառավարության անդամներին պաշտոնապես արգելել սեռական հարաբերություն ունենալ ապարատի աշխատակիցների հետ, փոխանցում է «Գազետա»-ն՝ վկայակոչելով՝ The Independent-ը:
Ինչպես նշվում է, վարքի կանոնների փոփոխման որոշումը կայացվել է վերջերս տեղի ունեցած սեքսի սկանդալից հետո: Պարզվել է, որ փոխվարչապետ Բարնաբի Ջոյսը, որն արդեն 24 տարի է ամուսնացած է, սիրային կապի մեջ է եղել ապարատի աշխատակցուհու հետ: «Նախարարները՝ անկախ նրանից, ամուսնացած են, թե ոչ, չպետք է ինտիմ հարաբերություններ ունենան այլ աշխատակիցների հետ: Եվ բոլորը գիտեն, որ դա լավ բանի չի հանգեցնում»,- ասել է Թյորնբուլը:
