Google-ը որոշել է հեռացնել իր կանոններին չհամապատասխանող գովազդները Chrome բրաուզերից։ Համապատասխան հաղորդագրությունը հրապարակվել է ընկերության կայքում, փոխանցում է «Իզվեստիյան»։
Ընկերությունում հայտարարել են, որ տարիներ շարունակ օգտատերերից տեղեկություն էին ստանում այն մասին, որ գովազդների մի քանի տեսակներ հատկապես անհանգստացնող են։ «Chrome-ը կլուծի այս խնդիրը»,-Google-ի հայտարարությունը մեջբերում է «360» ալիքը։
Ընկերությունը դեռ նախորդ տարի նախազգուշացրել էր, որ Chrome-ում կկառուցվեն գովազդների արգելափակման գործիքներ։
«Լավագույն գովազդի կոալիցիա» կազմակերպությունը 2017 թվականին ստեղծել եւ հրապարակել է առցանց գովազդի ստանդարտների սեփական ցանկը, ըստ որի, էկրանի ավելի քան 30 տոկոսը զբաղեցնող, էկրանին հայտնվող պատուհաններով, հետհաշվարկներով եւ ավտոմատ միացող ձայնով գովազդները անթույլատրելի են։