Իտալիայի նախկին վարչապետ, միլիարդատեր Սիլվիո Բեռլուսկոնին, որը շարունակում է ակտիվ քարոզարշավ իրականացնել մարտին կայանալիք խորհրդարանական ընտրությունների նախօրեին՝ այս անգամ պատմել է, թե ինչպես Երկրորդ համաշխարհային պատերազմի ժամանակ կով կթել, փոխանցում է «ՌԻԱ Նովոստի»-ն։
«Ես այնպիսինն եմ, ինչպիսին դուք եք: Պատերազմի ժամանակ ես գյուղացի էի: Ութ տարեկան էի, կով էի կթում, եւ դրա համար ինձ վճարում էին թթվասերով», - պատմել 81-ամյա քաղաքական գործիչը ֆերմերների առաջ ելույթի ժամանակ:
Ազգային դատական մարմինների որոշման համաձայն՝ Բեռլուսկոնին չի կարող զբաղեցնել պետական պաշտոններ, այդ պատճառով չի ձգտում խորհրդարանում ինչ-որ տեղի, առավել եւս կառավարության ղեկավարի պաշտոնին, սակայն ակտիվորեն մասնակցում է ընտրարշավին։