Եգիպտոսի անվտանգության ուժերը լայնամասշտաբ անվտանգության գործողության սկզբից չեզոքացրել են 53 զինյալների: Այս մասին հաղորդում է Եգիպտոսի Զինված ուժերի մամուլի քարտուղար, գնդապետ Թամեր էլ Ռիֆայը, հաղորդում է AP-ն:
Նրա խոսքով՝ կալանավորվել են հինգ զինյալներ եւ 680 այլ անձինք, այդ թվում, «քրեական տարրեր» եւ զինյալներին աջակցություն ցուցաբերած կասկածյալներ: Նա նշել է, որ անվտանգության ուժերը ոչնչացրել են հարյուրավոր ապաստաններ եւ սպառազինություններ:
Ավելի վաղ եգիպտական բանակի ներկայացուցիչները հայտարարել էին, որ Արեւմտյան անապատում օդային հարվածները ոչնչացրել են զենքով եւ զինամթերքով բեռնված 10 ամենագնացներ:
